Belling­ham í að­gerð á öxl og missir af næstu lands­leikjum

Öxlin hefur verið að angra Bellingham síðan 2023 þegar hann fór úr lið í leik gegn Rayo Vallecano. Hann  hefur síðan þá leikið með hlífðarbúnað á öxlinni en var að sögn orðinn þreyttur á því og var því ákveðið að senda hann í aðgerð um leið og þátttöku Real Madrid á heimsmeistaramóti félagsliða lauk.

Bellingham mun því missa af öllu undirbúningstímabilinu með Real en það verður að vísu ekki langt þar sem fyrsti deildarleikur liðsins er á dagskrá þann 19. ágúst. Hann missir einnig væntanlega af tveimur næstu landsleikjum Englendinga gegn Andorra og Serbíu í undankeppni HM.