Vaka stýrir Collab

Þetta kemur fram í tilkynningu frá Ölgerðinni.

Þar segir að Vaka hafi áður starfað hjá markaðsdeild og vöruþróun Nova, og þar áður sinnt fjölbreyttum verkefnum tengdum markaðssetningu, stafrænni þróun og vöruframboði. Einnig hafi hún starfað hjá Sony Music í Danmörku, við ráðgjöf varðandi útgáfu og markaðssetningu á tónlist.

Vaka er með BSc gráðu í hagfræði og hefur jafnframt stundað nám í ljósmyndun.

„Ég er spennt fyrir að takast á við nýtt hlutverk og er þakklát því trausti mér mér er sýnt með því að fela mér þetta verðmæta vörumerki. Ég hef trú á að Collab eigi mikið inni, bæði hér heima og erlendis, vegna sérkenna drykkjarins þegar kemur að sjálfbærni og beinni tengingu við íslenska náttúru og menningu. Ég hlakka til að vinna að enn glæstari framtíð Collab með öflugu teymi hérna hjá Ölgerðinni,“ er haft eftir Vöku.