Raggi Nat á Nesið

Ragnar, sem er 220 cm hár miðherji, kemur til Álftnesinga frá uppeldisfélagi sínu Hamri þar sem hann hefur leikið síðan 2022 og var lykilmaður þar í 1. deildinni á liðnum vetur. 

Ragnar er 33 ára og hokinn af reynslu en hann hefur alls leikið 49 A-landsleiki fyrir Ísland. Hann hefur komið nokkuð víða við á ferlinum og leikið m.a. með Val, Stjörnunni og Þór Þorlákshöfn hér á landi og einnig erlendis með Sundsvall Dragons í Svíþjóð og Cáceres Ciudad del Baloncesto og Arcos Albacete Basket á Spáni.