Vara við slysa­hættu vegna kaldavatnsleysis

Veitur vara við slysahættu vegna þessa, en einungis heitt vatn kemur úr blöndunartækjum.

„Þurfirðu neysluvatn meðan á kaldavatnsleysinu stendur, geturðu notað vatn úr heita krananum og kælt það. Brennisteinninn í vatninu getur valdið sumum óþægindum en er skaðlaus,“ segir á vef Veitna þar sem beðist er velvirðingar á óþægindunum sem þetta gæti valdið fólki.

Breki Logason, samskiptastjori Orkuveitunnar, segir í samtali við fréttastofu að bilunin sé komin til vegna brunahana sem gaf sig.

Fréttastofu bárust myndir frá Snorrabraut þar sem mátti sjá gufu rísa frá jörðu. Það er ótengt hinni biluninni, en að sögn Breka var það vegna minni háttar leka.