Tekur Martinez við hönskunum hjá United?

Martinez er falur fyrir litlar 45 milljónir punda sem myndi gera hann að þriðja dýrasta markverði sögunnar ef ekki er tekið tillit til verðbólgu. Bæði Manchester United og Chelsea eru sögð hafa áhuga á Martinez en United þarf að losa Andre Onana fyrst og verðmiðinn á honum er 35 milljónir punda.

Onana var á sínum tíma keyptur til United á rúmar 42 milljónir og sem sakir standa verður að teljast harla ólíklegt að mörg lið séu tilbúin að stökkva á þetta kostaboð. Þá hefur því einnig verið hvíslað að Rubin Amorim sé reiðbúinn að lána Onana.

Þessi vandræðalega staða hjá United hefur opnað dyrnar fyrir Chelsea að gera tilboð í Martinez en Enzo Maresca, stjóri Chelsea, er sagður ekkert sérstaklega hrifinn af þeim Robert Sanchez og Filip Jorgensen. 

Martinez sjálfur er þó sagður kjósa United fram yfir Chelsea.