Stólarnir búnir að semja við „DNA-ið í fé­laginu“

Tindastóll sagði frá samningum heimamannanna þriggja á miðlum sínum. Pétur Rúnar og Ragnar gera báðir þriggja ára samning en samningur Hannesar er til eins árs.

„Það er mikið fagnaðarefni að þessir uppöldu leikmenn séu klárir í bátana. Þeir eru DNA-ið í félaginu og ásamt því að vera gæða leikmenn allir þrír þá eru þeir algjörir máttarstólpar í því að viðhalda menningunni í félaginu,” segir Arnar Guðjónsson, þjálfari Tindastólsliðsins í frétt á miðlum félagsins.

Pétur Rúnar Birgisson er þriðji leikjahæsti leikmaður Tindastóls í úrvalsdeild með 254 leiki, fjórði stigahæsti leikmaður félagsins með 2339 stig og enginn hefur gefið fleiri stoðsendingar en þær eru orðnar 1275 talsins.

Hannes Ingi Másson er sjötti leikjahæstur með 200 deildarleiki og Ragnar Ágústsson er kominn með 81 leik fyrir Tindastól í úrvalsdeildinni.

Pétri vantar líka aðeins þrjá leiki til jafna félagsmet Helga Rafns Viggóssonar yfir flesta leiki fyrir Tindastól í úrslitakeppni. Helgi lék 87 leiki í úrslitakeppni en étur er kominn með 84 leiki.