Mbappé aftur með PSG í réttar­salinn og nú vegna eineltis

Mbappé hafði áður unnið mál gegn Paris Saint-Germain vegna ógreiddra launa síðustu mánuði hans hjá félaginu.

Paris Saint-Germain hætti að borga honum laun eftir að Mbappé gaf það út að hann væri á förum. Þá vissu allir em vildu vita, að hann væri að fara tl Real Madrid um sumarið þótt það hafi ekki verð staðfest fyrr en seinna.

Mbappé vann það mál og fékk borgaðar þær 55 milljónir evra sem félagið skuldaði honum. Nú ætlar hann að fara með forráðamenn PSG aftur fyrir dómstóla. ESPN segir frá.

Að þessu sinni fyrir að hafa beitt hann þvingunaraðgerðum árið 2023 þegar franska félagið setti gríðarlega pressu á hann að framlengja samning sinn.

Mbappé sakar félagið um andlegt áreitni í upphafi 2023-24 tímabilsins. Hann segist ekki hafa fengið að æfa með liðnu heldur var hann píndur til að æfa með leikmönnum sem voru á förum.

Ástæðan var að hann neitaði að semja um nýjan samning

Hinn 26 ára gamli Mbappé yfirgaf Paris Saint Germain síðasta sumar eftir sjö tímabil í París.

Paris Saint Germain vann þrennuna án hans þar á meðal Meistaradeildina í fyrsta sinn.

Real Madrid vann hins vegar engan titil en Mbappé varð markakóngur spænsku deildarinnar með 31 mark í 34 leikjum.