Á­tján ára gömul og að verða launahæst í sænsku deildinni

Þrátt fyrir að Schröder sé aðeins átján ára gömul þá er Häcken að gera hana að launahæsti leikmanni sænsku deildarinnar.

Sportbladet segir frá því að enginn leikmaður fái hærri laun í deildinni og að hún sé að fá meira en hundrað þúsund sænskar krónur á mánuði.

Hundrað þúsund sænskar krónur eru rúmar 1,2 milljónir íslenskra króna. Hún er því að fá meira en það.

Mörg stórlið í Evrópu höfðu áhuga á henni en nú er Schröder með samning við Häcken til ársins 2029.

Schröder er með sextán mörk og sex stoðsendingar í fyrstu tólf leikjum Häcken í sumar og liðið er í efsta sæti deildarinnar. Hún er stoðsendingahæst í deildinni og hefur skorað sex mörkum meira en næstmarkahæsti leikmaður sænsku deildarinnar.

Þrátt fyrir góða frammistöðu Schröder með Häcken þá var hún ekki valin í sænska EM-hópinn. Það verður þó mjög erfitt að ganga fram hjá henni á HM 2027 ef hún heldur áfram á sömu braut.