Innlent

Konan fær að dúsa inni í tvær vikur í við­bót

Árni Sæberg skrifar
Frá Edition daginn sem konan var handtekin.
Frá Edition daginn sem konan var handtekin. Vísir

Gæsluvarðhald yfir franskri konu á sextugsaldri, sem grunuð er um að hafa ráðið eiginmanni sínum og dóttur bana á Edition-hótelinu í Reykjavík, hefur verið framlengt um tvær vikur á grundvelli rannsóknarhagsmuna.

Þetta segir í fréttatilkynningu frá Lögreglunni á höfuðborgarsvæðinu. Konan var handtekin snemma morguns síðastliðinn laugardag. Á sama tíma voru eiginmaður hennar og dóttir úrskurðuð látin á hótelherbergi fjölskyldunnar. Stungusár voru á líkum feðginanna og konan var einnig með stungusár. 

Hún hefur verið á sjúkrahúsi í gæsluvarðhaldi frá handtöku en yfirheyrsla fór fram yfir henni á miðvikudag. Að sögn lögreglu er nokkuð skýr mynd komin á atvik umrædda nótt og rannsókn gengur vel. Hún sé þó á frumstigi og mikil vinna sé fram undan.

Manndráp á Reykjavík Edition Lögreglumál

Mest lesið


Fleiri fréttir

Sjá meira


×

Mest lesið