Lífið

Merktur LXS skvísunum fyrir lífs­tíð

Dóra Júlía Agnarsdóttir skrifar
LXS skvísurnar Ína María, Hildur Sif og Birgitta Líf ásamt rapparanum Birni.
LXS skvísurnar Ína María, Hildur Sif og Birgitta Líf ásamt rapparanum Birni. Instagram @birgittalif

„Eins og LXS stelpurnar að ganga frá ykkur,“ syngur rapparinn Birnir í laginu LXS sem er með vinsælustu lögum landsins um þessar mundir. Þar vísar hann í raunveruleikastjörnu- og ofurskvísuhópinn LXS sem eru góðar vinkonur kappans en vináttan var innsigluð með húðflúri síðastliðinn mánudag. 

Birnir, sem er fæddur árið 1996, hefur komið víða við í íslenskri tónlistarsögu og gaf nýverið út plötuna Dyrnar sem hefur slegið í gegn. Fyrsti smellur plötunnar var LXS og er lagið með rúmlega 850 þúsund spilanir á streymisveitunni Spotify. 

Birnir og LXS skvísurnar gerðu sér glaðan dag á mánudaginn sem endaði með heimsókn á húðflúrstofu. Þar lét Birnir flúra á sig stafina LXS í lófann en Birgitta Líf birti myndasyrpu af deginum á Instagram. Ásamt Birgittu skipa Sunneva Einars, Magnea Björg, Ástrós Trausta, Ína María, Kristín Péturs og Hildur Sif LXS hópinn. 

Flúrið umrædda í lófa Birnis.Instagram @birgittalif

Stelpurnar eru sjálfar allar flúraðar með LXS og má því segja að nú sé opinberlega búið að bjóða Birni velkominn í hópinn. 

LXS Tónlist Húðflúr


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.