Rigning eða súld um landið allt

Í nótt dregur úr vætu og áttin verður suðlæg eða breytileg. Enn verða skúrir og þá úrkomumeira þegar líður á daginn, og heldur svalara. Þó verður samkvæmt hugleiðingum veðurfræðings yfirleitt þurrt á Austurlandi og lengi framan af líka á Norðurlandi. Líklega verður hlýjast fyrir norðan en fremur milt verður engu að síður.

Í hugleiðingum veðurfræðings segir að helgin sé enn á huldu. Allnokkrar smálægðir keppist um að ná yfirráðum á svæðinu og spár séu sífellt að breytast en útlit fyrir fremur vætusama helgi.

Veðurhorfur á landinu næstu daga

Á fimmtudag:

Suðlæg átt, 3-8 m/s. Skýjað með köflum og stöku skúrir, en dálítil væta seinnipartinn, síst austantil. Hiti 8 til 16 stig, hlýjast á Austurlandi.

Á föstudag:

Hæg suðlæg eða breytileg átt, skýjað að mestu og sums staðar dálítil rigning, en suðaustan 5-10 og rigning vestast um kvöldið. Hiti 7 til 15 stig, hlýjast suðaustantil.

Á laugardag (sumarsólstöður):

Suðaustan 5-13, skýjað og dálítil væta suðvestantil. Annars hægari og þurrt fyrripartinn en úrkomumeira síðdegis. Hiti 8 til 16 stig, hlýjast fyrir norðan.

Á sunnudag:

Norðlæg eða breytileg átt, víða hæg. Rigning með köflum víða um land. Hiti 8 til 13 stig.

Á mánudag:

Útlit fyrir hæga norðaustanátt. Skýjað og sums staðar smávæta fyrir norðan, en stöku síðdegisskúrir syðra. Hiti 8 til 15 stig, mildast syðst.

Á þriðjudag:

Líkur á suðlægri átt með mildu, en úrkomulitlu veðri.