Bubbi segir Eriku Nótt oft hafa verið betri: „Veit ekki hvað var að plaga hana“

Bardaginn byrjaði af miklum krafti þar sem Erika Nótt þurfti að veðra sænska storminn frá Guzlander. Erika gerði það með svakalega mikilli virkni og svaraði storminum með sínum eigin stormi.

Í annarri lotu bar á veðurofsanum úr fyrstu lotu og þurfti Erika að grafa djúpt til finna þol og ákefð til að passa að Guzlander myndi ekki vinna sig inn í bardagann aftur. Dómarinn fann sig knúinn til að telja yfir Guzlander í þriðju lotu eftir gott högg frá Eriku en Guzlander var ekki hrifinn af þeirri ákvörðun og vildi halda áfram án tafar.

Ekki voru allir dómararnir sammála um sigurvegara eftir þrjár lotur en Erika endaði á að sigla heim sigri með klofinni dómaraákvörðun. Í viðtali eftir bardagann tilkynnti Erika fyrir áhorfendum að hún stefndi á að fara í atvinnumennskuna á komandi ári og því spennandi að sjá hvað við fáum frá henni í framtíðinni.

Andri Már Eggertsson ræddi við Bubba sem var að sjálfsögðu mættur að fylgjast með Ice Box. Helstu bardagar kvöldsins voru sýndir beint á Sýn Sport. Neðar í fréttinni má sjá spjall Andra og Bubba.

Úrslit (allt á stigum, ekkert rothögg):

Bardagi 1, -75 kg

• Viktor Zoega vann William Þór Ragnarsson

Bardagi 2: -51 kg

• Erika Nótt vinnur Noruh Guzlander á klofinni dómaraákvörðun. (frábær bardagi, mikil læti)

Bardagi 3: -85 kg:

• Elmar Gauti Halldórsson vinnur Gabríel Marínó Róbertsson

Bardagi 4: -70 kg:

• Felix Nyrfors (Svíþjóð) vinnur Nóel Frey Ragnarsson

Bardagi 5: +90 kg:

• Kristófer Deymo vinnur Magnús Kolbjörn Einarsson

Bardagi kvöldsins: Nyrfors og Nóel.

IceBox-meistari: Erika Nótt.