Enski boltinn

Greal­ish fer ekki með á HM fé­lags­liða

Runólfur Trausti Þórhallsson skrifar
Spilar að öllum líkindum ekki aftur fyrir Man City.
Spilar að öllum líkindum ekki aftur fyrir Man City. Chris Brunskill/Getty Images

Dagar Jack Grealish hjá enska knattspyrnufélaginu Manchester City eru taldir. Hann er ekki í leikmannahóp liðsins sem fer á HM félagsliða sem hefst þann 15. júní næstkomandi í Bandaríkjunum.

Man City hefur verið duglegt á leikmannamarkaðnum á undanförnum dögum en félagaskiptaglugginn var opnaður í aðdraganda HM félagsliða.

Nýju mennirnir Marcus Bettinelli, Rayan Aït-Nouri, Tijjani Reijnders og Rayan Cherki eru allir í hópnum hjá City en hinn 29 ára gamli Grealish er hvergi sjáanlegur. Sky Sports greindi frá.

Grealish á enn tvö ár eftir af samningi sínum við City en það virðist öruggt að hann yfirgefi félagið í sumar. Hann hefur verið orðaður við Newcastle United og Everton til þessa.

Fótbolti Enski boltinn

Mest lesið


Fleiri fréttir

Sjá meira


×

Mest lesið