Vildi halda á­fram með Stólana

Körfuknattleiksdeild Tindastóls sendi frá sér yfirlýsingu á laugardaginn um að Benedikt myndi ekki halda áfram sem þjálfari liðsins. Hann stýrði liðinu til úrslita á nýafstaðinni leiktíð en þar máttu Stólarnir þola tap gegn Stjörnunni í oddaleik í Síkinu á Króknum. Benedikt gerði liðið að deildarmeisturum á tímabilinu.

„Þetta var gert í góðu og vinsemd en ég var alveg til í að halda áfram og ég kunni mjög vel við mig þarna, bæði að búa þarna og starfa þarna og vinna með mörgu góðu fólki en svona er þessi bransi,“ segir Benedikt í Sportpakkanum á Stöð 2 í kvöld.

Varst þú rekinn sem þjálfari liðsins?

„Ég veit ekki, drekinn eða rekinn eða hvernig sem þetta er en eins og ég segi þá vildu þeir fá inn nýjan þjálfara og allt í góðu með það og við gerðum þetta í góðu.“

Hér að neðan má sjá viðtalið við hann í heild sinni.