Fótbolti

Sex mörk í fyrri þegar Eggert og Freyr fóru upp í annað sæti

Sindri Sverrisson skrifar
Freyr Alexandersson og Eggert Aron Guðmundsson fara inn í sumarfríið í næstefsta sæti.
Freyr Alexandersson og Eggert Aron Guðmundsson fara inn í sumarfríið í næstefsta sæti. Samsett/Brann

Eggert Aron Guðmundsson lagði upp eitt marka Brann þegar liðið, undir stjórn Freys Alexanderssonar, kom sér upp í 2. sæti norsku úrvalsdeildarinnar í fótbolta, í síðasta leik fyrir þriggja vikna sumarfrí.

Brann vann Kristiansund á heimavelli, 4-2, eftir 3-0 tapið gegn Molde í síðustu umferð. Öll mörkin í dag komu í fyrri hálfleiknum.

Eggert lagði upp annað markið með sniðugri sendingu á 14. mínútu, þegar Aune Heggebö skoraði fyrra mark sitt en þeir Bard Finne skoruðu báðir tvennu í dag.

Brann nýtti sér það að Rosenborg gerði 1-1 jafntefli á heimavelli við KFUM og er nú í 2. sæti deildarinnar með 23 stig en Rosenborg með 22 stig. Viking er efst og getur með sigri gegn Molde, í leik sem stendur yfir, komist í 29 stig.

Ísak Snær Þorvaldsson kom inn á og spilaði síðustu fimm mínúturnar fyrir Rosenborg í dag.




Fleiri fréttir

Sjá meira


×