Ást­hildur Lóa í beinni og Sósíal­istar á rangri braut

Við verðum í beinni útsendingu frá Alþingi með Ásthildi Lóu Þórsdóttur, þingmanni Flokks fólksins, en hún hefur verið í leyfi í um tvo mánuði frá því að hún sagði af sér sem mennta- og barnamálaráðherra.

Við heyrum í Sönnu Magdalenu Mörtudóttur, oddvita Sósíalista í borgarstjórn sem sagði sig í dag frá öllum trúnaðarstörfum innan flokksins. Uppþot varð á aðalfundi flokksins um helgina, þegar hópur sem stillti sig upp til höfuðs Gunnari Smára Egilssyni hlaut kjör til framkvæmdastjórnar flokksins. Sanna segir flokkinn á rangri leið.

Við hittum þrjár stelpur sem allar fengu verðlaun fyrir framúrskarandi námsárangur við FÁ. Þær eru allar nýbúnar að læra íslensku og stefna á nám við sama háskólann.

Hinn ástsæli Aron Pálmarsson hyggst leggja skóna á hilluna eftir handboltatímabilið. Brotthvarfið verður rætt við landsliðsþjálfarann.

Í Íslandi í dag heimsækjum við Rikka G en hann og konan hans, sem eiga tólf ára dóttur, hafa staðið í ströngu við að eignast annað barn.

Kvöldfréttir Stöðvar 2 má sjá í heild sinni hér að neðan: