Fótbolti

Barcelona og Real Madrid mætast í bikar­úr­slita­leiknum

Óskar Ófeigur Jónsson skrifar
Lamine Yamal faðmar Ferran Torres eftir að sá síðarnefndi hafði skoraði eina markið i sigri Barcelona í kvöld en Yamal lagði upp markið.
Lamine Yamal faðmar Ferran Torres eftir að sá síðarnefndi hafði skoraði eina markið i sigri Barcelona í kvöld en Yamal lagði upp markið. Getty/Alvaro Medranda

Barcelona tryggði sér sæti í bikarúrslitaleiknum á Spáni eftir 1-0 útisigur á Atletico Madrid á Metropolitano í kvöld.

Við fáum því El Clasico bikarúrslitaleik í fyrsta sinn í ellefu ár.

Fyrri leiknum lauk með 4-4 jafntefli og Barcelona vann því 5-4 samanlagt.

Barcelona mætir Real Madrid í úrslitaleiknum en Real Madrid sló Real Sociedad út í hinum undanúrslitaleiknum 5-4 samanlagt eftir framlengdan leik í gær.

Ferran Torres skoraði sigurmark Barcelona í kvöld strax á 27. mínútu leiksins eftir að hafa fengið stoðsendingu frá Lamine Yamal.

Barcelona er að komast í fyrsta sinn í bikarúrslitaleikinn í fjögur ár síðan þeir unnu bikarinn síðast 2021.

Þetta verður aftur á móti fyrsti El Clasico í bikarúrslitunum síðan Real Madrid vann Barcelona 2-1 í úrslitaleiknum 2014.

AC Milan og Internazionale gerðu 1-1 jafntefli í kvöld í fyrri undanúrslitaleik sínum í ítalska bikarnum. Tammy Abraham kom AC Milan í 1-0 á 47. mínútu en Hakan Calhanoglu jafnaði metin á 67. mínútu.

Spænski boltinn

Mest lesið


Fleiri fréttir

Sjá meira


×

Mest lesið