Handbolti

Svein­björn bikar­meistari í Ísrael

Ágúst Orri Arnarson skrifar
Sveinbjörn er fyrsti íslenski handboltamaðurinn til að spila í Ísrael.
Sveinbjörn er fyrsti íslenski handboltamaðurinn til að spila í Ísrael. hapoel ashdod

Sveinbjörn Pétursson átti stórleik í marki Hapoel Ashdod sem var ísraelskur bikarmeistari í dag með 37-32 sigri gegn MK Holon í úrslitaleik. Akureyringurinn varði alls sextán skot í leiknum, þar af tvö víti.

Hapoel Ashdod er að upplifa bikarævintýri í fjórða sinn á fimm árum. Á leið sinni í úrslitaleikinn sigraði liðið Maccabi Tel Aviv og Hapoel Rishon Le Zion í undanúrslitum og átta liða úrslitum, samkvæmt handbolti.is sem greindi fyrst frá.

Sveinbjörn er fyrsti íslenski handboltamaðurinn sem leikur með ísraelsku félagsliði. Hann gekk til liðs við Hapoel Ashdod frá Aue í Þýskalandi, þar sem hann var frá 2012-16 og aftur 2021-24.

Leikmannahópur félagsins var mikið endurnýjaður á síðasta tímabili og Sveinbjörn var hluti af þeim breytingum. Liðið endaði í fimmta sæti á síðasta tímabili, utan úrslitakeppninnar, en situr nú í fjórða sæti og er bikarmeistari aftur eftir að hafa unnið bikarinn þrisvar í röð árin áður.

Bikartitli fagnað í fjórða sinn á fimm árum. Liðið varð ísraelskur meistari 2019 og 2022 og er líklega á leið í úrslitakeppnina aftur.hapoel ashdod



Fleiri fréttir

Sjá meira


×