Manni kastað fram af svölum fyrir norðan

„Ofbeldishegðun í samfélaginu hefur aukist töluvert undanfarin misseri og hefur lögregla miklar áhyggjur af stöðunni,“ segir í færslunni.

Þar segir frá fleiri málum sem varða ofbeldi. Fram kemur að ekið hafi verið á gangandi vegfaranda sem var á göngustíg af ásetningi.

Í öðru máli hafi ökumanni verið veitt eftirför. Við fyrirhugaða handtöku hafi sakborningurinn ekið fyrirvaralaust á lögreglubíl. Við það hafi tveir lögreglumenn verið í mikilli hættu, en þeir munu hafa staðið við bílinn.

Á föstudag hafi maður ógnað lögreglumanni með hnífi við handtöku. Það mun hafa verið í svo miklu návígi að ekki mátti muna miklu að illa færi.

„Lögregla hefur haldlagt mikið af fíkniefnum undanfarið og rannsóknir í gangi er lúta að skipulagðri brotastarfsemi. Þá eru ótalin heimilisofbeldismál, líkamsárásir og kynferðisbrot sem eru því miður veruleiki,“ segir í tilkynningunni.