Kennarar sam­þykkja kjara­samning

Atkvæðagreiðslan hófst á föstudag, 28. febrúar. Innanhústillagan frá ríkissáttasemjara var undirrituð með fyrirvara um samþykki félagsfólks þann 25. febrúar 2025. Atkvæðisrétt höfðu félagsmenn í aðildarfélögum KÍ (FF, FG, FL, FS, FSL, FT og SÍ) sem starfa hjá ríkisreknum framhaldsskólum og stofnunum og sveitarfélögum landsins.

Kjörstjórn KÍ var falið að framkvæma allsherjaratkvæðagreiðslu um nýja samninginn en auk þess greiddu félagar í Félagi framhaldsskólakennara og Félagi stjórnenda í framhaldsskólum atkvæði um samkomulag um breytingar á tveimur kjarasamningsgreinum í sér kosningu.

Í þessari atkvæðagreiðslu samþykktu 56 prósent.

„Báðir þessir samningar voru þá samþykkir í dag og komast í framkvæmd í samræmi við textann,“ segir Magnús Þór Jónsson formaður Kennarasambands Íslands.

Hann segir þetta gefa sambandinu gott umboð en næstu skref sé að hefja virðismatsvegferðina sem fjallað er um í kjarasamningnum. 

Fréttin er í vinnslu og verður uppfærð.