Handbolti

Hópurinn gegn Grikkjum: Ní­tján ára ný­liði í markinu

Sindri Sverrisson skrifar
Ísland vann sigur gegn Bosníu í Laugardalshöll í nóvember þegar undankeppni EM hófst.
Ísland vann sigur gegn Bosníu í Laugardalshöll í nóvember þegar undankeppni EM hófst. vísir/Anton

Snorri Steinn Guðjónsson valdi meðal annars nítján ára nýliða í landsliðshóp sinn fyrir komandi leiki við Grikkland í undankeppni EM karla í handbolta.

Nýliðinn heitir Ísak Steinsson og er markvörður Drammen í Noregi, þar sem hann hefur búið mestalla sína ævi. Hann hefur leikið fyrir yngri landslið Íslands og valdi þau fram yfir Noreg.

Snorri tók fram á blaðamannafundi í dag að hann hefði beðið lengur en ella með að velja landsliðshópinn núna vegna meiðsla hjá leikmönnum.

Fjölda sterkra leikmanna vantar í hópinn.

Vinstra horn:

Orri Freyr Þorkelsson, Sporting

Stiven Valencia, Benfica

Vinstri skyttur:

Andri Rúnarsson, Leipzig

Aron Pálmarsson, Veszprém

Þorsteinn Leó Gunnarsson, Porto

Miðjumenn:

Janus Daði Smárason, Pick Szeged

Haukur Þrastarson, Dinamo Búkarest

Hægri skyttur:

Arnór Snær Óskarsson, Kolstad

Kristján Örn Kristjánsson, Skanderborg

Hægra horn:

Óðinn Þór Ríkharðsson, Kadetten Schaffhausen

Sigvaldi Guðjónsson, Kolstad

Línumenn:

Elliði Snær Viðarsson, Gummersbach

Ýmir Örn Gíslason, Göppingen

Einar Þorsteinn Ólafsson, Fredericia

Markmenn:

Ísak Steinsson, Drammen

Viktor Gísli Hallgrímsson, Wisla Plock

Ísland er á góðri leið í átt að sínu fjórtánda Evrópumóti í röð eftir að hafa unnið Bosníu og Georgíu í nóvember.

Nú taka við tveir leikir við Grikkland, 12. mars í Kalkida á eyjunni Evia og svo 15. mars í Laugardalshöll, áður en undankeppninni lýkur svo með tveimur leikjum í maí.

Ísland er efst í sínum riðli með fjögur stig, Grikkland og Bosnía eru með tvö og Georgía án stiga. Efstu tvö liðin fara á EM og liðið í 3. sæti gæti einnig komist þangað.

Greinin verður uppfærð...

Landslið karla í handbolta EM karla í handbolta 2026

Mest lesið


Fleiri fréttir

Sjá meira


×

Mest lesið