Íslenskur læknir í sögulegri skilnaðardeilu í Skotlandi Auður Ösp Guðmundsdóttir skrifar 18. febrúar 2025 07:01 Dómari við hæstarétt í Edinborg hefur nú gefið parinu fjóra mánuði til að útkljá deilurnar. Getty Íslenskur læknir sem búsettur er í Skotlandi er í klemmu eftir að dómstóll í Edinborg komst að þeirri niðurstöðu að ekki hefði átt að veita honum og fyrrverandi eiginkonu hans lögskilnað árið 2021. Bjarni Eyvindsson giftist öðru sinni árið 2023 en yfirvofandi úrskurður gæti leitt til þess að hann verði giftur tveimur konum. Málið á sér engin fordæmi í skoskri réttarsögu. Greint hefur verið frá málinu á vefmiðlum á borð við Mirror, Daily Record, Edinburgh Live og The Times, þar sem fram kemur að niðurstaða dómsins í maí næstkomandi gæti orðið „brautryðjandi.“ Klúður hjá lögmanni Í frétt Daily Record kemur fram að Bjarni sé starfandi læknir á heilsugæslustöð í Glasgow en hann er fyrrum liðslæknir og hefur áður unnið fyrir skosku knattspyrnufélögin Edinburgh City, Stirling Albion, Hibs og Dunfermline. Samkvæmt dómsgögnum sem Vísir hefur undir höndum gengu Bjarni og fyrrum eiginkona hans, Linda Hafþórsdóttir í hjónaband á Íslandi árið 1998 og eiga þau fjögur börn saman. Þau skildu að borði og sæng í september árið 2018 og í nóvember árið 2021 veitti umdæmisdómari í Dunfermline þeim lögskilnað. Í desember árið 2023 gekk Bjarni í hjónaband með annarri konu. Í fyrrnefndum fréttum vefmiðla í Skotlandi kemur fram að þessar flóknu lagalegu aðstæður hafi komið upp eftir að Linda, sem búsett er í Edinborg, hélt því fram að hún hefði ekki samþykkt að slíta hjónabandi þeirra á sínum tíma- og að ekki hefði verið gengið frá „lausum fjárhagslegum endum“ áður en skilnaðurinn var veittur og gekk í gegn árið 2021. Þá kemur fram að gögn hafi verið lögð fyrir dómstólinn í Edinborg, sem sýni fram á að á þeim degi þegar Bjarna og Lindu var veittur skilnaður að borði og sæng hafi Bjarni átt lífeyri að verðmæti meira en 177 þúsund pund. Fyrrverandi eiginkonu hans hafi ekki verið kunnugt um þá upphæð. Fram kemur að Linda hafi mótmælt skilnaðinum á sínum tíma en lögmanni hennar hafi láðst að leggja fram viðeigandi gögn fyrir dómstólinn. Mótbárur Lindu hafi því strandað á formgalla (e.procedural error.) Vill leggja málið til hliðar og halda áfram Dómari við hæstarétt í Edinborg (e. Court of Session) hefur nú úrskurðað að Linda eigi rétt á því að fá skilnaðinum hnekkt. Í úrskurðinum kemur fram að hugsanlega hafi verið ójafnvægi í skiptingu hjúskapareignarinnar, og með hliðsjón af „augljósum útistandandi fjárhagslegum málum sem eigi eftir að leysa“ þá sé ljóst að ekki hefði átt að veita parinu lögskilnað á sínum tíma. Dómarinn hefur nú gefið parinu fjóra mánuði til að útkljá fyrrnefndar deilur um fjármál: annars verður skilnaðurinn frá árinu 2021 dæmdur ógildur og Bjarni og Linda ekki talin skilin samkvæmt lögum. Í samtali við Daily Record heldur Bjarni því fram að öll fjárhagsleg ágreiningsmál hafi verið útkljáð á sínum tíma. Segist hann hafa staðið í þeirri trú að fyrrum eiginkona hans myndi ekki mótmæla skilnaðinum. Bjarni segist ekki vita hvort ákvörðun dómarans komi til með að hafa áhrif á hjónabandið sem hann er í núna í dag. Hann segist vona að hægt verði að leysa málið án þess að grípa til frekari lögsókna. „Við höfum ekki getað fengið almennileg svör við þessu. Í augnablikinu erum við að skoða hvaða möguleikar eru fyrir hendi. Við höfum fjóra mánuði til að finna lausn á þessu. Í ljósi þess að ég er búinn að gifta mig aftur þá vil ég umfram allt leggja þetta mál til hliðar og halda áfram,“ segir Bjarni jafnframt en Linda vildi ekki tjá sig um málið þegar blaðamaður Daily Record hafði samband. Þörf áminning Í samtali við Daily Record bendir skoski lögfræðingurinn Garry Sturrock á að ef svo fari að skilnaður Bjarna og Lindu árið 2021 verði dæmdur ógildur, þá gæti það þýtt að seinna hjónaband Bjarna verði sömuleiðis dæmt ógilt. Að mati Sturrock er þetta mál mikilvæg áminning um þá ábyrgð sem lögmenn bera þegar kemur að deilum í hjúskaparmálum. „Þessi mál verður að nálgast af sanngirni, skilvirkni, fagmennsku og einbeitingu - og koma þannig í veg fyrir óþarfa árekstra.“ Íslendingar erlendis Skotland Lögmennska Bretland Mest lesið Árásarmaðurinn ölvaður Íslendingur Innlent Ráðist á rútubílstjóra og vegfarendur yfirbuguðu árásarmanninn Innlent Hættu leit eftir þrjá tíma að þeim sem féll útbyrðis úr Norrænu Erlent „Samfélagsleg ábyrgð þessa fyrirtækis virðist ekki vera nein“ Innlent Rektorar allra íslenskra háskóla lýsa yfir miklum áhyggjum Innlent Formaður og gjaldkeri Vorstjörnunnar kærð fyrir efnahagsbrot Innlent Krefst aðkomu Vinstri grænna að endurmótun varnarmálastefnu Innlent Ekki gagnlegt að stilla fyrirtækjum upp gegn starfsfólki Innlent Tugir missa vinnuna í sumar Innlent Mikil reiði á Þingeyri vegna flutnings fóðurstöðvar Arctic Fish Innlent Fleiri fréttir Hringsund um Ísland skapi verðmæta þekkingu Óákveðin hvort hún fari aftur fram fyrir Sósíalista: „Mér finnst þetta bara orðið bull“ Tugir missa vinnuna í sumar Segir ráðherra sjálfum í lófa lagið að breyta leikreglum svo ágóðinn rati vestur Segir gömlu samræmdu prófin ekki hafa mælt það sem þurfti Múmínlundurinn verður Ævintýraskógur á meðan leyst er úr höfundarrétti Störf á landsbyggðinni, skortur á sérfræðiþekkingu kennara og óperugala Sektaður fyrir að vera á 101 kílómetra hraða í 101 Rektorar allra íslenskra háskóla lýsa yfir miklum áhyggjum Ekki gagnlegt að stilla fyrirtækjum upp gegn starfsfólki Krefst aðkomu Vinstri grænna að endurmótun varnarmálastefnu Skýrslutökum írsku lögreglunnar lokið Veðurstofan nýtir ofurtölvu til að herma eftir hraunflæði „Samfélagsleg ábyrgð þessa fyrirtækis virðist ekki vera nein“ Óhress innviðaráðherra, öryggis- og varnarmál og ofurtölva Árásarmaðurinn ölvaður Íslendingur Ný kirkjuhandbók og kaldar kveðjur til ferðaþjónustunnar Ráðist á rútubílstjóra og vegfarendur yfirbuguðu árásarmanninn „Langflestir Grindvíkingar búa utan Grindavíkurbæjar“ Formaður og gjaldkeri Vorstjörnunnar kærð fyrir efnahagsbrot Mikil reiði á Þingeyri vegna flutnings fóðurstöðvar Arctic Fish Ráðherra vill tryggja betra eftirlit með Sjúkratryggingum Íslands Segir tölurnar sláandi og vill bregðast við „Ég vorkenni því fólki sem lét narra sig í þessa vegferð“ Sósíalistar deila um peninga og metþátttaka í ólöglegri baráttugöngu Kostnaður vegna kynja- og jafnréttismála sextán milljónir Svifvængjaflugslys við Reynisfjall Handtóku ökumann eftir eftirför á Sæbraut Vonar að Rauði krossinn endurskoði afstöðu sína Segir ásakanir kjaftæði og íhugar meiðyrðamál Sjá meira
Greint hefur verið frá málinu á vefmiðlum á borð við Mirror, Daily Record, Edinburgh Live og The Times, þar sem fram kemur að niðurstaða dómsins í maí næstkomandi gæti orðið „brautryðjandi.“ Klúður hjá lögmanni Í frétt Daily Record kemur fram að Bjarni sé starfandi læknir á heilsugæslustöð í Glasgow en hann er fyrrum liðslæknir og hefur áður unnið fyrir skosku knattspyrnufélögin Edinburgh City, Stirling Albion, Hibs og Dunfermline. Samkvæmt dómsgögnum sem Vísir hefur undir höndum gengu Bjarni og fyrrum eiginkona hans, Linda Hafþórsdóttir í hjónaband á Íslandi árið 1998 og eiga þau fjögur börn saman. Þau skildu að borði og sæng í september árið 2018 og í nóvember árið 2021 veitti umdæmisdómari í Dunfermline þeim lögskilnað. Í desember árið 2023 gekk Bjarni í hjónaband með annarri konu. Í fyrrnefndum fréttum vefmiðla í Skotlandi kemur fram að þessar flóknu lagalegu aðstæður hafi komið upp eftir að Linda, sem búsett er í Edinborg, hélt því fram að hún hefði ekki samþykkt að slíta hjónabandi þeirra á sínum tíma- og að ekki hefði verið gengið frá „lausum fjárhagslegum endum“ áður en skilnaðurinn var veittur og gekk í gegn árið 2021. Þá kemur fram að gögn hafi verið lögð fyrir dómstólinn í Edinborg, sem sýni fram á að á þeim degi þegar Bjarna og Lindu var veittur skilnaður að borði og sæng hafi Bjarni átt lífeyri að verðmæti meira en 177 þúsund pund. Fyrrverandi eiginkonu hans hafi ekki verið kunnugt um þá upphæð. Fram kemur að Linda hafi mótmælt skilnaðinum á sínum tíma en lögmanni hennar hafi láðst að leggja fram viðeigandi gögn fyrir dómstólinn. Mótbárur Lindu hafi því strandað á formgalla (e.procedural error.) Vill leggja málið til hliðar og halda áfram Dómari við hæstarétt í Edinborg (e. Court of Session) hefur nú úrskurðað að Linda eigi rétt á því að fá skilnaðinum hnekkt. Í úrskurðinum kemur fram að hugsanlega hafi verið ójafnvægi í skiptingu hjúskapareignarinnar, og með hliðsjón af „augljósum útistandandi fjárhagslegum málum sem eigi eftir að leysa“ þá sé ljóst að ekki hefði átt að veita parinu lögskilnað á sínum tíma. Dómarinn hefur nú gefið parinu fjóra mánuði til að útkljá fyrrnefndar deilur um fjármál: annars verður skilnaðurinn frá árinu 2021 dæmdur ógildur og Bjarni og Linda ekki talin skilin samkvæmt lögum. Í samtali við Daily Record heldur Bjarni því fram að öll fjárhagsleg ágreiningsmál hafi verið útkljáð á sínum tíma. Segist hann hafa staðið í þeirri trú að fyrrum eiginkona hans myndi ekki mótmæla skilnaðinum. Bjarni segist ekki vita hvort ákvörðun dómarans komi til með að hafa áhrif á hjónabandið sem hann er í núna í dag. Hann segist vona að hægt verði að leysa málið án þess að grípa til frekari lögsókna. „Við höfum ekki getað fengið almennileg svör við þessu. Í augnablikinu erum við að skoða hvaða möguleikar eru fyrir hendi. Við höfum fjóra mánuði til að finna lausn á þessu. Í ljósi þess að ég er búinn að gifta mig aftur þá vil ég umfram allt leggja þetta mál til hliðar og halda áfram,“ segir Bjarni jafnframt en Linda vildi ekki tjá sig um málið þegar blaðamaður Daily Record hafði samband. Þörf áminning Í samtali við Daily Record bendir skoski lögfræðingurinn Garry Sturrock á að ef svo fari að skilnaður Bjarna og Lindu árið 2021 verði dæmdur ógildur, þá gæti það þýtt að seinna hjónaband Bjarna verði sömuleiðis dæmt ógilt. Að mati Sturrock er þetta mál mikilvæg áminning um þá ábyrgð sem lögmenn bera þegar kemur að deilum í hjúskaparmálum. „Þessi mál verður að nálgast af sanngirni, skilvirkni, fagmennsku og einbeitingu - og koma þannig í veg fyrir óþarfa árekstra.“
Íslendingar erlendis Skotland Lögmennska Bretland Mest lesið Árásarmaðurinn ölvaður Íslendingur Innlent Ráðist á rútubílstjóra og vegfarendur yfirbuguðu árásarmanninn Innlent Hættu leit eftir þrjá tíma að þeim sem féll útbyrðis úr Norrænu Erlent „Samfélagsleg ábyrgð þessa fyrirtækis virðist ekki vera nein“ Innlent Rektorar allra íslenskra háskóla lýsa yfir miklum áhyggjum Innlent Formaður og gjaldkeri Vorstjörnunnar kærð fyrir efnahagsbrot Innlent Krefst aðkomu Vinstri grænna að endurmótun varnarmálastefnu Innlent Ekki gagnlegt að stilla fyrirtækjum upp gegn starfsfólki Innlent Tugir missa vinnuna í sumar Innlent Mikil reiði á Þingeyri vegna flutnings fóðurstöðvar Arctic Fish Innlent Fleiri fréttir Hringsund um Ísland skapi verðmæta þekkingu Óákveðin hvort hún fari aftur fram fyrir Sósíalista: „Mér finnst þetta bara orðið bull“ Tugir missa vinnuna í sumar Segir ráðherra sjálfum í lófa lagið að breyta leikreglum svo ágóðinn rati vestur Segir gömlu samræmdu prófin ekki hafa mælt það sem þurfti Múmínlundurinn verður Ævintýraskógur á meðan leyst er úr höfundarrétti Störf á landsbyggðinni, skortur á sérfræðiþekkingu kennara og óperugala Sektaður fyrir að vera á 101 kílómetra hraða í 101 Rektorar allra íslenskra háskóla lýsa yfir miklum áhyggjum Ekki gagnlegt að stilla fyrirtækjum upp gegn starfsfólki Krefst aðkomu Vinstri grænna að endurmótun varnarmálastefnu Skýrslutökum írsku lögreglunnar lokið Veðurstofan nýtir ofurtölvu til að herma eftir hraunflæði „Samfélagsleg ábyrgð þessa fyrirtækis virðist ekki vera nein“ Óhress innviðaráðherra, öryggis- og varnarmál og ofurtölva Árásarmaðurinn ölvaður Íslendingur Ný kirkjuhandbók og kaldar kveðjur til ferðaþjónustunnar Ráðist á rútubílstjóra og vegfarendur yfirbuguðu árásarmanninn „Langflestir Grindvíkingar búa utan Grindavíkurbæjar“ Formaður og gjaldkeri Vorstjörnunnar kærð fyrir efnahagsbrot Mikil reiði á Þingeyri vegna flutnings fóðurstöðvar Arctic Fish Ráðherra vill tryggja betra eftirlit með Sjúkratryggingum Íslands Segir tölurnar sláandi og vill bregðast við „Ég vorkenni því fólki sem lét narra sig í þessa vegferð“ Sósíalistar deila um peninga og metþátttaka í ólöglegri baráttugöngu Kostnaður vegna kynja- og jafnréttismála sextán milljónir Svifvængjaflugslys við Reynisfjall Handtóku ökumann eftir eftirför á Sæbraut Vonar að Rauði krossinn endurskoði afstöðu sína Segir ásakanir kjaftæði og íhugar meiðyrðamál Sjá meira