Hefur áhyggjur af börnum í strætó Lovísa Arnardóttir skrifar 14. febrúar 2025 15:00 Salvör Nordal segir Strætó og sveitarstjórnir verða að taka ábendingar barnanna alvarlega. Vísir/Vilhelm Umboðsmaður barna segir það áhyggjuefni hversu algengt það er að börn verði fyrir áreiti í strætó, sérstaklega stelpur. Á nýlegum samráðsfundi barna, Strætó og sveitarstjórna hafi börn stigið fram með fjölmörg dæmi um áreitni í orðum og óviðeigandi snertingar. „Hér er um að ræða mikið áhyggjuefni sem Strætó og rekstraraðilum ber að taka á sem allra fyrst,“ segir Salvör Nordal, umboðsmaður barna, í tilkynningu. Börn sem sóttu fundinn hafa lagt fram tillögur til Strætó um úrbætur. Þau leggja til að sett verði upp sérstakt símanúmer fyrir börn til að hringja í, að leiðakerfi verði bætt og að öryggi barna og samskipti við þau. Þá leggja þau til að frítt verði fyrir öll börn í strætó. Tillögurnar voru unnar í samráði við starfsfólk Strætó á samráðsfundi þann 1. febrúar. Fyrsta tillaga barnanna snýr að leiðakerfi Strætó en börnin vilja að það sé bætt með þeirra hag að leiðarljósi. Þau þurfi oft að bíða lengi eftir næsta vagni og segja Strætó oft seinan sem valdi því að þau missi af tengingum og verði sein í skóla eða tómstundastarf. Strætó sé líka oft fullur og þá keyri vagnstjórar fram hjá börnum. Börnin vilja því að tíðni ferða verði aukin, biðtími minnkaður og að allar leiðir gangi lengur á kvöldin. Þau leggja til að gerðir verði fleiri einkavegir fyrir Strætó til þess að stytta ferðatíma, sem þeim finnst oft vera of langur. Erfitt að nálgast upplýsingar Þá tala börnin í sínum tillögum um upplýsingaflæði. Það sé erfitt að nálgast upplýsingar mæti vagn ekki á réttum tíma og of mismunandi upplýsingar í appi eða í strætóskýli. Þau leggja til að síminn hjá Strætó sé opinn lengur svo börn geti hringt eftir aðstoð. Þau segja auk þess erfitt fyrir börn að koma á framfæri ábendingum eða kvörtunum. „Ungmennunum finnst oft vera skortur á skilningi frá bílstjórum og þau vilja fá betra viðmót og bætta framkomu við börn. Ungmennin leggja líka áherslu á að vagnstjórar eigi að vera með fulla athygli á akstri og farþegum, en séu til dæmis ekki með heyrnartól í eyrunum,“ segir í tillögunum. Börnin leggja til að fleiri strætóskýli séu upphituð og kvarta yfir því að tímasetningar séu ekki þær sömu í skýlum og í appinu.Vísir/Vilhelm Þá nefndu börnin einnig samskipti barna við aðra farþega og vilja að Strætó tryggi betur öryggi þeirra og komi í veg fyrir áreiti frá öðrum farþegum. Þau leggja til að sett verði upp öryggisnúmer sem þau geti sent skilaboð í eða hringt í. Þetta númer gæti verið tengt við símaver Strætó eða 112 númerið. Þá leggja börnin til að frítt verði í Strætó fyrir öll börn, ekki bara fyrir þau sem eru yngri en 12 ára. Þá segja þau oft erfitt fyrir börn að greiða með því að nota Internetið. Það virki ekki alltaf Wifi í vögnunum. Ungmennin fjalla einnig í tillögum sínum umferðaröryggi og aksturslag vagnstjóra. Sumir keyri of hratt og stoppi ekki fyrir börnum við gangbrautir. Þau fjalla einnig um hreinlæti og leggja til að fleiri ruslatunnur verði settar upp í vagnana. Að mokað sé betur við strætóskýlin og hitalampar séu í fleiri skýlum. Að lokum telja börnin nauðsynlegt að tryggja betra aðgengi að upplýsingum fyrir fatlaða og börn af erlendum uppruna. Klappið sé of flókið og það þurfi sjálfvirka rampa í fleiri vagna. Fjölmennur fundur Í tilkynningu umboðsmanns segir að tæplega fimmtíu manns hafi sótt fundinn. Hanna Borg frá UNICEF á Íslandi og Salvör Nordal umboðsmaður barna opnuðu fundinn. Á fundinum fluttu þau Júlíana Rós Skúladóttir og Dagur Björgvin Jónsson úr ráðgjafarhópi umboðsmanns barna erindi um helstu athugasemdir barna varðandi Strætó. Þá flutti Steinar Karl Hlífarsson, starfsmaður Strætó erindi um Strætó. Börnin leggja til að sett verði upp símanúmer sem börnin geti sent skilaboð í eða hringt í sé verið að áreita þau í strætó. Númerið verði tengt við Strætó eða 112.Vísir/Arnar Í kjölfar erindanna tóku við hópaskiptar umræður á sex borðum um málefni barna og ungmenna og Strætó þar sem ákveðin þemu voru rædd. Að loknum umræðum kynntu ungmenni hvers borðs helstu niðurstöður. Í tilkynningu frá umboðsmanni barna segir að markmið fundarins hafi verið að koma á formlegum umræðum á milli barna, Strætó og sveitarstjórna um umbætur á strætókerfinu með hag barna að leiðarljósi. Umboðsmaður áréttar í tilkynningu sinni að sveitarfélögum beri skylda til að leggja sérstakt mat á þau áhrif sem ákvarðanir þeirra hafa á börn. „Þá bera þau einnig þá skyldu að veita börnum rými og vettvang til að tjá skoðanir sínar í öllum þeim málum sem varða börn beint. Hér falla undir allar ákvarðanir um starfsemi Strætó, s.s. leiðakerfi og gjaldskrá. Niðurstöður fundarins undirstrika mikilvægi þess að eiga reglulegt samráð við börn.“ Samgöngur Réttindi barna Sveitarstjórnarmál Strætó Börn og uppeldi Mest lesið Taldi mann kominn til landsins til að vinna henni mein Innlent Þau þurfi að finna hvar þau eigi heima í veröldinni Innlent Handtóku einn til viðbótar Innlent Samþykkti að hætta árásum á orkuinnviði Erlent Tveir bílar og hestakerra skullu saman við Selfoss Innlent Rafmagnið sló út víða um land Innlent Ríkisstjórnin láti í sér heyra eftir mannskæðar árásir Innlent Leigubílamarkaðurinn sé eins og „villta vestrið“ Innlent Aðeins eitt þungt ökutæki má vera á Ölfusárbrú í einu Innlent Ljósmóðir ákærð fyrir að framkvæma þungunarrof í Texas Erlent Fleiri fréttir Eldur kviknaði út frá inntaki í álverinu „Ef við búum til alvöruvalkost sem virkar þá mun fólk nota hann“ Markaðsmála- og upplifunardeild Isavia lögð niður „Ég vissi það þó að innkoman yrði að vera meiri en útgjöldin“ Borgarstjóri á borgarstjóralaunum Rafmagnið sló út víða um land Aðeins eitt þungt ökutæki má vera á Ölfusárbrú í einu Handtóku einn til viðbótar Bæjarstjórnin vilji hefja uppbyggingu en ríkisstjórnin doka við Skiptar skoðanir um endurreisn í Grindavík, Úkraína heimsótt og nýr borgarstjóri Taldi mann kominn til landsins til að vinna henni mein Tveir bílar og hestakerra skullu saman við Selfoss Fólk á góðum launum ráði ekki við erfið verkefni Sérsveitinni flogið til Bolungarvíkur Vilja leita að olíu ef stjórnvöldum er ekki alvara með orkuskiptum Taka þurfi fastar á börnum sem beita ofbeldi Þingmanni blöskrar svör Rósu Breyta stuðningi við Grindvíkinga Má bera eiganda Gríska hússins út Heilbrigðisráðherra kom sjúklingi til bjargar í flugi Grindvíkingum sem standa illa tryggður frekari stuðningur Gæti hætt en ekki viss: „Ég vinn bara mjög langa vinnudaga“ Ríkisstjórnin láti í sér heyra eftir mannskæðar árásir Brynjólfur Bjarnason er látinn Þau þurfi að finna hvar þau eigi heima í veröldinni Paul Watson heitir að trufla hvalveiðar á Íslandi í sumar „Ófremdarástandi“ Sjálfstæðisflokksins ljúki með uppbyggingu nýs fangelsis Leigubílamarkaðurinn sé eins og „villta vestrið“ Þjóðin verði að átta sig á að fimmtungur sé ekki íslenskumælandi Fyrirvarinn verði örfáar mínútur Sjá meira
„Hér er um að ræða mikið áhyggjuefni sem Strætó og rekstraraðilum ber að taka á sem allra fyrst,“ segir Salvör Nordal, umboðsmaður barna, í tilkynningu. Börn sem sóttu fundinn hafa lagt fram tillögur til Strætó um úrbætur. Þau leggja til að sett verði upp sérstakt símanúmer fyrir börn til að hringja í, að leiðakerfi verði bætt og að öryggi barna og samskipti við þau. Þá leggja þau til að frítt verði fyrir öll börn í strætó. Tillögurnar voru unnar í samráði við starfsfólk Strætó á samráðsfundi þann 1. febrúar. Fyrsta tillaga barnanna snýr að leiðakerfi Strætó en börnin vilja að það sé bætt með þeirra hag að leiðarljósi. Þau þurfi oft að bíða lengi eftir næsta vagni og segja Strætó oft seinan sem valdi því að þau missi af tengingum og verði sein í skóla eða tómstundastarf. Strætó sé líka oft fullur og þá keyri vagnstjórar fram hjá börnum. Börnin vilja því að tíðni ferða verði aukin, biðtími minnkaður og að allar leiðir gangi lengur á kvöldin. Þau leggja til að gerðir verði fleiri einkavegir fyrir Strætó til þess að stytta ferðatíma, sem þeim finnst oft vera of langur. Erfitt að nálgast upplýsingar Þá tala börnin í sínum tillögum um upplýsingaflæði. Það sé erfitt að nálgast upplýsingar mæti vagn ekki á réttum tíma og of mismunandi upplýsingar í appi eða í strætóskýli. Þau leggja til að síminn hjá Strætó sé opinn lengur svo börn geti hringt eftir aðstoð. Þau segja auk þess erfitt fyrir börn að koma á framfæri ábendingum eða kvörtunum. „Ungmennunum finnst oft vera skortur á skilningi frá bílstjórum og þau vilja fá betra viðmót og bætta framkomu við börn. Ungmennin leggja líka áherslu á að vagnstjórar eigi að vera með fulla athygli á akstri og farþegum, en séu til dæmis ekki með heyrnartól í eyrunum,“ segir í tillögunum. Börnin leggja til að fleiri strætóskýli séu upphituð og kvarta yfir því að tímasetningar séu ekki þær sömu í skýlum og í appinu.Vísir/Vilhelm Þá nefndu börnin einnig samskipti barna við aðra farþega og vilja að Strætó tryggi betur öryggi þeirra og komi í veg fyrir áreiti frá öðrum farþegum. Þau leggja til að sett verði upp öryggisnúmer sem þau geti sent skilaboð í eða hringt í. Þetta númer gæti verið tengt við símaver Strætó eða 112 númerið. Þá leggja börnin til að frítt verði í Strætó fyrir öll börn, ekki bara fyrir þau sem eru yngri en 12 ára. Þá segja þau oft erfitt fyrir börn að greiða með því að nota Internetið. Það virki ekki alltaf Wifi í vögnunum. Ungmennin fjalla einnig í tillögum sínum umferðaröryggi og aksturslag vagnstjóra. Sumir keyri of hratt og stoppi ekki fyrir börnum við gangbrautir. Þau fjalla einnig um hreinlæti og leggja til að fleiri ruslatunnur verði settar upp í vagnana. Að mokað sé betur við strætóskýlin og hitalampar séu í fleiri skýlum. Að lokum telja börnin nauðsynlegt að tryggja betra aðgengi að upplýsingum fyrir fatlaða og börn af erlendum uppruna. Klappið sé of flókið og það þurfi sjálfvirka rampa í fleiri vagna. Fjölmennur fundur Í tilkynningu umboðsmanns segir að tæplega fimmtíu manns hafi sótt fundinn. Hanna Borg frá UNICEF á Íslandi og Salvör Nordal umboðsmaður barna opnuðu fundinn. Á fundinum fluttu þau Júlíana Rós Skúladóttir og Dagur Björgvin Jónsson úr ráðgjafarhópi umboðsmanns barna erindi um helstu athugasemdir barna varðandi Strætó. Þá flutti Steinar Karl Hlífarsson, starfsmaður Strætó erindi um Strætó. Börnin leggja til að sett verði upp símanúmer sem börnin geti sent skilaboð í eða hringt í sé verið að áreita þau í strætó. Númerið verði tengt við Strætó eða 112.Vísir/Arnar Í kjölfar erindanna tóku við hópaskiptar umræður á sex borðum um málefni barna og ungmenna og Strætó þar sem ákveðin þemu voru rædd. Að loknum umræðum kynntu ungmenni hvers borðs helstu niðurstöður. Í tilkynningu frá umboðsmanni barna segir að markmið fundarins hafi verið að koma á formlegum umræðum á milli barna, Strætó og sveitarstjórna um umbætur á strætókerfinu með hag barna að leiðarljósi. Umboðsmaður áréttar í tilkynningu sinni að sveitarfélögum beri skylda til að leggja sérstakt mat á þau áhrif sem ákvarðanir þeirra hafa á börn. „Þá bera þau einnig þá skyldu að veita börnum rými og vettvang til að tjá skoðanir sínar í öllum þeim málum sem varða börn beint. Hér falla undir allar ákvarðanir um starfsemi Strætó, s.s. leiðakerfi og gjaldskrá. Niðurstöður fundarins undirstrika mikilvægi þess að eiga reglulegt samráð við börn.“
Samgöngur Réttindi barna Sveitarstjórnarmál Strætó Börn og uppeldi Mest lesið Taldi mann kominn til landsins til að vinna henni mein Innlent Þau þurfi að finna hvar þau eigi heima í veröldinni Innlent Handtóku einn til viðbótar Innlent Samþykkti að hætta árásum á orkuinnviði Erlent Tveir bílar og hestakerra skullu saman við Selfoss Innlent Rafmagnið sló út víða um land Innlent Ríkisstjórnin láti í sér heyra eftir mannskæðar árásir Innlent Leigubílamarkaðurinn sé eins og „villta vestrið“ Innlent Aðeins eitt þungt ökutæki má vera á Ölfusárbrú í einu Innlent Ljósmóðir ákærð fyrir að framkvæma þungunarrof í Texas Erlent Fleiri fréttir Eldur kviknaði út frá inntaki í álverinu „Ef við búum til alvöruvalkost sem virkar þá mun fólk nota hann“ Markaðsmála- og upplifunardeild Isavia lögð niður „Ég vissi það þó að innkoman yrði að vera meiri en útgjöldin“ Borgarstjóri á borgarstjóralaunum Rafmagnið sló út víða um land Aðeins eitt þungt ökutæki má vera á Ölfusárbrú í einu Handtóku einn til viðbótar Bæjarstjórnin vilji hefja uppbyggingu en ríkisstjórnin doka við Skiptar skoðanir um endurreisn í Grindavík, Úkraína heimsótt og nýr borgarstjóri Taldi mann kominn til landsins til að vinna henni mein Tveir bílar og hestakerra skullu saman við Selfoss Fólk á góðum launum ráði ekki við erfið verkefni Sérsveitinni flogið til Bolungarvíkur Vilja leita að olíu ef stjórnvöldum er ekki alvara með orkuskiptum Taka þurfi fastar á börnum sem beita ofbeldi Þingmanni blöskrar svör Rósu Breyta stuðningi við Grindvíkinga Má bera eiganda Gríska hússins út Heilbrigðisráðherra kom sjúklingi til bjargar í flugi Grindvíkingum sem standa illa tryggður frekari stuðningur Gæti hætt en ekki viss: „Ég vinn bara mjög langa vinnudaga“ Ríkisstjórnin láti í sér heyra eftir mannskæðar árásir Brynjólfur Bjarnason er látinn Þau þurfi að finna hvar þau eigi heima í veröldinni Paul Watson heitir að trufla hvalveiðar á Íslandi í sumar „Ófremdarástandi“ Sjálfstæðisflokksins ljúki með uppbyggingu nýs fangelsis Leigubílamarkaðurinn sé eins og „villta vestrið“ Þjóðin verði að átta sig á að fimmtungur sé ekki íslenskumælandi Fyrirvarinn verði örfáar mínútur Sjá meira