Ís­lenskir öldungar röðuðu inn heims- og Íslandsmetum

Mótið er haldið í Albi í Frakk­landi þessa dagana og keppir Dag­mar með ís­lenska liðinu M4 sem er skipað kraft­lyftingafólki 70 ára og eldri í þyngdar­flokki – 57 kg en Ísland er með lið í öllum flokkum mótsins. Dag­mar, sem hefur stundað kraft­lyftingar um ára­bil, varð önnur stiga­hæsta konan í sínum aldurs­flokki, yfir alla þyngdar­flokka og er nú heims­met­hafi í hnébeygju, rétt­stöðu­lyftu sem og saman­lögðum árangri í kraft­lyftingum í sínum flokki.

Hún sló heims­metið í hnébeygju í sínum flokki þrisvar og tók seríuna 86,5 kg, 90 kg og 96 kg Sam­hliða því setti hún jafn­framt Ís­lands­met í hnébeygju í þremur aldurs­flokkum; M4, M3 og M2. Þá lyfti Dag­mar 37,5 kg og 40 kg í bekk­pressu sem er við hennar besta.

Auk þess að slá heims­metið í hnébeygju gerði Dag­mar slíkt hið sama í síðustu lyftu sinni í rétt­stöðu­lyftu en einnig sló hún heims­met í saman­lögðum árangri (255 kg og 260,5 kg) sem er einnig Ís­lands­met í tveimur flokkum.

Sló tuttugu Íslandsmet

Þá sló Jóhann Frímann Trausta­son sam­tals tuttugu Ís­lands­met á sama móti. Hann keppti með ís­lenska liðinu í öldunga­flokki M4, sem er skipað kraft­lyftingafólki 70 ára og eldri og lenti í öðru sæti í sínum þyngdar­flokki á mótinu.

Með árangri sínum sló Jóhann Frímann, sem hóf styrktar þjálfun fyrir 18 mánuðum síðan, tólf Ís­lands­met í sínum aldurs­flokki og samtímis átta met í aldurs­flokkunum M3 og M2, sem er annars vegar flokkur kraft­lyftingafólks á aldrinum 50-69 ára og hins vegar flokkur kraft­lyftingafólks á aldrinum 40-49 ára.

Jóhann Frímann (Kraft­lyftingafélagi Reykja­víkur - Kraft­félaginu) keppir með ís­lenska liðinu, í öldunga­flokki M4 (70 ára og eldri) -66 kg. og lenti í öðru sæti í sínum þyngdar­flokki á mótinu í dag.

Í keppninni sló hann jafn­framt tólf ís­lands­met í aldurs­flokknum; í hnébeygju, bekk­pressu, rétt­stöðu­lyftu og saman­lögðum árangri og samtímis átta met í aldurs­flokkunum M3(50-69 ára) og M2(40-49 ára).

Jóhann Fri­mann er þvi tólffaldur Ís­lands­met­hafi í sínum þyngdar­flokki í þremur aldurs­flokkum M4, M3 og M2 með 77,5 kg. hnébeygju, 55 kg, bekk­pressu og 90 kg. rétt­stöðu­lyftu og saman­lagðan árangur, 227,5 kg.