Sjáðu mörkin sem skutu Liverpool á Wembley

Liverpool þurfti að vinna upp 1-0 forystu Tottenham frá fyrri leiknum í Lundúnum en gestirnir voru aldrei líklegir til afreka á Anfield í gær. Frá upphafi var spurningin hreinlega hversu stór sigur Púllara yrði.

Cody Gakpo skoraði eina mark fyrri hálfleiks og Mohamed Salah tvöfaldaði forskot Liverpool af vítapunktinum snemma í síðari hálfleik. Dominik Szoboszlai og Virgil van Dijk gerðu þá út um leikinn með sitthvoru markinu á fimm mínútna kafla undir lokin.

Liverpool vann einvígið 4-1 og fer í úrslit deildabikarsins á Wembley annað árið í röð. Liðið á titil að verja en Virgil van Dijk tryggði liðinu 1-0 sigur á Chelsea eftir framlengdan leik í fyrra.

Newcastle bíður á Wembley en þeir svarthvítu unnu Arsenal 4-0 samanlagt í hinni undanúrslitaviðureigninni.

Úrslitin fara fram sunnudaginn 16. mars.

Mörk Púllara frá því í gær má sjá í spilaranum.