Viðskipti innlent

Jarðefna­elds­neytis­bílar um fimmtungur nýskráðra fólks­bíla

Kjartan Kjartansson skrifar
Aðeins fimmti hver bíll sem var skráður nýr í janúar gengur aðeins fyrir jarðefnaeldsneyti. Myndin er úr safni.
Aðeins fimmti hver bíll sem var skráður nýr í janúar gengur aðeins fyrir jarðefnaeldsneyti. Myndin er úr safni. Vísir/Vilhelm

Rúmur fimmtungur nýskráðra fólksbíla í janúar var bensín- eða dísilknúinn. Tæplega sex hundruð bílar voru nýskráðir og fjölgaði þeim um hátt í þriðjung á milli ára.

Rafmagnsbílar voru hlutfallslega flestir þeirra 596 fólksbíla sem voru nýskráðir í janúar samkvæmt tölum Bílgreinasambands Íslands, 37,9 prósent. Á eftir þeim komu tengiltvinnbílar sem voru um 31,5 prósent. Tengiltvinnbílar ganga bæði fyrir rafmagni og jarðefnaeldsneyti og hægt er að hlaða þá.

Dísilbílar voru í þriðja sæti, 11,4 prósent nýskráðu bílanna. Hybrid-bílar höfðu 10,2 prósent hlutdeild. Þeir eru bæði raf- og eldsneytisknúnir en ekki er hægt að hlaða þá. Bensínbílar ráku lestina með 8,9 prósent markaðshlutdeild.

Meirihluti bílanna var skráður á einstaklinga, 325 eða rúm 54 prósent.

Þróun nýskráninga fólksbíla í janúar frá 2019 til 2025.Bílgreinasamband Íslands

Mest skráða bílategundin var KIA. Tæpur fimmtungur nýskráðra bíla í janúar voru þeirrar tegundar sem hefur notið mikilla vinsælda hjá bílaleigum. Toyota var með næstflestar nýskráningar, 11,4 prósent hlutdeild. Hyundai var í þriðja sæti með 11,2 prósent hlutdeild.

Bílar Vistvænir bílar Jarðefnaeldsneyti Loftslagsmál


Mest lesið


Fleiri fréttir

Sjá meira


×

Mest lesið