Fótbolti

Sigur á Spáni lyfti Skyttunum upp í þriðja sætið

Runólfur Trausti Þórhallsson skrifar
Skytturnar flugu áfram.
Skytturnar flugu áfram. EPA-EFE/David Borrat

Arsenal lagði Girona 2-1 á útivelli í lokaumferð deildarkeppni Meistaradeildar Evrópu. Sigurinn þýðir að Arsenal endar í 3. sæti með 19 stig, líkt og Barcelona sem er sæti ofar og Inter sem er sæti neðar.

Það blés ekki byrlega fyrir gestina frá Lundúnum þegar Arnaut Danjuma kom Girona yfir á 28. mínútu. Tíu mínútum síðar hafði Jorginho hins vegar jafnað metin fyrir Skytturnar af vítapunktinum.

Aðeins fjórum mínútum síðar hafði Ethan Nwaneri komið gestunum yfir eftir undirbúning Leandro Trossard. Staðan 1-2 í hálfleik. Reyndust það lokatölur þar sem mark var dæmt af heimamönnum vegna rangstöðu þegar stundarfjórðungur lifði leiks og þá brenndi Raheem Sterling af vítaspyrnu í uppbótartíma.

Arsenal endar meðal efstu átta liða Meistaradeildarinnar og fer þar með beint í 16-liða úrslit. Liðin í 9. til 24. sæti fara í umspil um sæti í 16-liða úrslitum.

Fótbolti Meistaradeild Evrópu í fótbolta karla

Mest lesið


Fleiri fréttir

Sjá meira


×

Mest lesið