Sport

Fór í sex og hálfan hring í loftinu

Óskar Ófeigur Jónsson skrifar
Hiroto Ogiwara náði ótrúlegu og sögulegu stökki á X leikunum.
Hiroto Ogiwara náði ótrúlegu og sögulegu stökki á X leikunum. Getty/Zhao Wenyu

Japanski snjóbrettamaðurinn Hiroto Ogiwara vann ekki aðeins gullið á X-leikunum í Aspen á dögunum því hann náði líka þar sögulegu stökki sem tryggði honum sigurinn.

Ogiwara er nítján ára gamall og vann sigur í stökki karla af stórum palli, Men’s Big Air.

Hann náði þar ótrúlegu sigurstökki þegar hann náði að snúast í 2340 gráður í loftinu áður en hann lenti.

Það þýðir að hann fór í sex og hálfan hring í loftinu.

Samfélagsmiðlarfólkið á X Games sýndi stökkið og lýsti því yfir að enginn annar hefði lent öðru eins stökki í keppni.

Þetta sögulega stökk má sjá hérna fyrir neðan.

Snjóbrettaíþróttir

Mest lesið


Fleiri fréttir

Sjá meira


×

Mest lesið