Bellingham kominn með banda­ríska kærustu

Parið ku hafa náð saman eftir að hafa átt í samskiptum gegnum samfélagsmiðla á síðasta ári. Nú virðist komin alvara í sambandið þar sem sést hefur til áhrifavaldsins með enska landsliðsmanninum og fjölskyldu hans í Madríd.

Papparassar náðu myndum af hinum 21 árs Bellingham með hinni 27 ára Castro í Madrídarborg á fimmtudag þar sem þau fengu sér saman hádegismat. 

Bellingham var klæddur í gráan jogging-fatnað og hélt á Louis Vuitton-buddu meðan Castro klæddist hörkuflottum brúnum leddara og bar Fendi-handtösku á öxlinni.

Kvöldið áður fylgdist Castro með Bellingham og félögum í Real Madrid vinna stórsigur á þýska liðinu RB Leipzig í fjölskyldustúku spænska liðsins. Þar var hún með foreldrum Jude, hinni 56 ára Denise og hinum 48 ára gamla Mark. Þá vakti athygli að Denie og Ashlyn föðmuðust innilega í fagnaðarlátunum.

Castro er frá Los Angeles og er með 170 þúsund fylgjendur á Instagram. Bellingham er hins vegar frá Birmingham og er talinn einn besti miðjumaður heims í dag.