Al­dís Ylfa orðin lands­liðsþjálfari fyrir þrítugs­af­mælið

Aldís, sem er með KSÍ A gráðu í þjálfun og meistaragráðu í verkefnastjórnun, var aðstoðarþjálfari í yngri landsliðum kvenna árin 2021-2023 (U15-U16-U17) ásamt því að starfa við Hæfileikamótun KSÍ.

Aldís er fædd árið 1996 og heldur upp á 29 ára afmælið sitt í febrúar. Aldís nær því að vera landsliðsþjálfari fyrir þrítugsafmælið sitt. Hún hefur engu að síður mikla reynslu af þjálfun.

Aldís Ylfa starfaði sem þjálfari hjá ÍA í rúman áratug þar sem hún þjálfaði m.a. 2. flokk kvenna ásamt því að halda utan um kvennastarfið hjá KFÍA. Að auki var hún aðstoðarþjálfari meistaraflokks kvenna hjá ÍA í þrjú ár.

Aldís var sjálf leikmaður og lék 72 leiki með meistaraflokki ÍA og skoraði í þeim átta 8 mörk. Hún hefur einnig leikið tvisvar með U19 landsliði Íslands og skorað eitt mark.