Hafa bæði kvatt sín fyrr­verandi og eru al­sæl saman

Skilnaður Foster við eiginmann hennar handritshöfundinn Ted Griffin gekk í gegn í síðasta mánuði. Hugh Jackman var svo giftur Deborru-Lee Furness þar til í september í fyrra. Þau höfðu verið gift í 27 ár.

Samkvæmt umfjöllun Page Six fóru þau Sutton og Jackman að hafa áhuga á hvort öðru þegar þau léku saman í söngleiknum The Music Man sem fyrst var sett á svið á Broadway í desember 2021. Verkið var sýnt þar til í janúar 2023 en ef marka má umfjöllun slúðurmiðilsins voru leikararnir þá þegar farnir að stinga saman nefjum.

Í nýrri frétt miðilsins segir að þau hafi aldrei verið betri en í dag. Haft er eftir ónefndum vini þeirra að þau séu hreinlega í skýjunum. „Þau eyða öllum frítíma sínum saman. Þau eru bara venjulegt par og ætla að eyða það sem eftir lifir ævinnar saman.“