Íslendingalið í bikarúrslit í Noregi en að­eins eitt á­fram í þýska bikarnum

Íslendingaliðið Melsungen komst líka áfram í átta liða úrslit þýska bikarsins í handbolta í kvöld en bæði Magdeburg og Leipzig eru aftur á móti úr leik.

Sigvaldi Guðjónsson var markahæstur i sigurleik Kolstad en hann skoraði sex mörk í leiknum. Benedikt Gunnar Óskarsson og Sveinn Jóhannsson komust ekki á blað. Ísak Steinsson varði tvö skot í marki Drammen.

Dagur Gautason skoraði fjögur mörk þegar Arendal tapaði með fjórum mörkum á móti Elverum, 33-37, í hinum undanúrslitaleiknum. Kolstad og Elverum mætast í bikarúrslitaleiknum þriðja árið í röð.

Magdeburg er úr leik eftir eins marks tap á útivelli á móti Kiel 28-29. Ómar Ingi Magnússon skoraði fjögur mörk og Gísli Þorgeir Kristjánsson var með 2 mörk.

Melsungen vann fimm marka útisigur á TuSEM Essen, 32-27. Arnar Freyr Arnarsson skoraði fjögur mörk úr fimm skotum og Elvar Örn Jónsson var með eitt mark úr tveimur skotum.

Það gekk eins ekki vel hjá Leipzig sem er úr leik eftir sex marka tap á móti Eisenach, 30-24. Andri Már Rúnarsson var markahæstur með sjö mörk og Viggó Kristjánsson skoraði fjögur mörk