Össur segir Ingu valdspilltan leiðtoga Kolbeinn Tumi Daðason skrifar 22. október 2024 13:36 Össur Skarphéðinsson segir ótrúlegt að hegðun Ingu viðgangist á 21. öldinni. Össur Skarphéðinsson fyrrverandi formaður Samfylkingarinnar kallar Ingu Sæland, formann flokksins, valdspilltan leiðtoga og segir hegðun hennar með ólíkindum á 21. öldinni. Tilefnið er að forysta flokksins hafnaði Jakobi Frímanni Magnússyni og Tómasi A. Tómassyni í aðdraganda Alþingiskosninganna 30. nóvember. Inga greindi frá því í gær að Jakob Frímann og Tómas yrðu ekki oddvitar á listum flokksins í Norðausturkjördæmi og Reykjavíkurkjördæmi norður. Sigurjón Þórðarson verður oddviti í stað Jakobs Frímanns og Ragnar Þór Ingólfsson í stað Tómasar. „Inga Sæland talar sig móða um skort á lýðræði – nú síðast þegar starfsstjórn var í myndun – en á sama tíma tekur hún sér alræðisvald innan Flokks fólksins, þverbrýtur reglur hans og lög og rekur þingmenn úr framboði af því þeir dansa ekki algerlega eftir hennar höfði,“ segir Össur. Merkja mátti á yfirlýsingu Jakobs Frímanns í gær að hann væri ekki sáttur við að leiða ekki áfram flokkinn í Norðausturkjördæmi. „Aðskilnaðurinn á sér aðdraganda þar sem við sögu kemur m.a. ólík sýn á leikreglur hreinskiptni og trausts,“ sagði Jakob Frímann. Þá hafði Tómas nýlega látið í ljós ráðherradraum sinn. „Opinber brottrekstur Jakobs Frímanns (og Tomma í Búllunni) úr framboði er ekki aðeins ólýðræðislegur gjörningur hjá leiðtoga sem alltaf er með túlann fullan af lýðræðishjali heldur hreinasta valdníðsla af hennar hálfu. Það sést gjörla þegar rennt er yfir einföld og skýr lög Flokks fólksins á heimasíðu hans.“ Hann vísar til laga flokksins þar sem segi svart á hvítu að það sé uppstillingarnefnd, skipuð af kjördæmaráði, sem geri tillögu að framboðslista. „Í kjölfarið fjalla kjördæmisráð og stjórn um tillöguna á formlegum fundum. Formaðurinn hefur ekki einu sinni frumkvæðisrétt að tilnefningum – hvað þá til að gefa út tilskipanir um að tilteknir flokksmenn megi ekki vera í efstu sætum listanna.“ Gjörningurinn feli því ekki aðeins í sér fyrirlitningu á þeim lýðræðislegu vinnubrögðum sem hún krefjist dag hvern úr ræðustól Alþingis, heldur líka óvanalega gróft brot á lögum flokksins. Sigurjón Þórðarson varaþingmaður Flokks fólksins og Ragnar Þór Ingólfsson formaður VR eru nýir oddvitar Flokks fólksins. Sigurjón tekur við af Jakobi Frímanni og Ragnar af Tómasi. Aðrir oddvitar flokksins eru Inga Sæland, formaður flokksins í Reykjavikurkjördæmi suður, Guðmundur Ingi Kristinsson þingmaður flokksins í Suðvesturkjördæmi, Ásthildur Lóa Þórsdóttir þingkona flokksins í Suðurkjördæmi og Eyjólfur Ármannsson þingmaður flokksins í Norðvesturkjördæmi. „Að svona gerist á Íslandi á þriðja áratug 21. aldarinnar er með ólíkindum. Kannski á Ítalíu fyrir hundrað árum – en ekki hér og nú. Fjölmiðlar, sem eru helsta aðhaldstæki gegn valdspilltum leiðtogum, hljóta að skýra hvernig þetta samræmist lögum flokksins og hvort verjanlegt sé að flokkur undir slíkri stjórn fái tugmilljónir frá skattborgurum ár hvert í rekstrarstyrki.“ Hann segir Jakob Frímann ástsælan listamaður sem eigi vild alls staðar enda merkilegt eintak. „Enginn hefur náð meiri árangri fyrir kjarabaráttu listamanna en hann. Á sínum tíma var hann hvalreki fyrir Flokk fólksins og náði óvæntum og næsta ótrúlegum árangri með afar óhefðbundinni kosningabaráttu. Í dag er mesta fylgi Flokks fólksins einmitt í hans kjördæmi. Gæti verið að það sé þyrnir í auga drottningarinnar að hann hefur meira fylgi en hún í sínu kjördæmi?“ spyr Össur. Flokkur fólksins Alþingiskosningar 2024 Mest lesið Kosningavaktin: Íslendingar ganga að kjörborðinu Innlent Össur segir Ingu valdspilltan leiðtoga Innlent Hlær að töfralausnum í dreifingu við of háu kortisóli Innlent „Ég átti ekki von á fyrsta sæti“ Innlent Tíu sentímetra þarmur stóð út eftir stunguárás Innlent „Ekki góð þróun“ að flokkarnir drösli frægu fólki á listana Innlent Sautján daga fyrirburi tekinn af sjúkrahúsi í París Erlent Fjölmiðlar lengi í vanda með Trump: „Þetta er ekki eðlilegt“ Erlent „Hræsnin á sér engin takmörk“ Innlent Sárnar umræðan síðustu daga Innlent Fleiri fréttir Flokkar sem sitji hjá séu ekki í stöðu til að setja skilyrði Sakar Össur um rógburð og illmælgi Sárnar umræðan síðustu daga Þau leiða Vinstri græn í Norðvesturkjördæmi Sviptingar hjá Pírötum, sárir kennarar og óvenjuleg verðhækkun Læstu sig á kvennasalerni í tvígang og neituðu að fara Neðri óvissumörkum náð í byrjun nóvember „Ég átti ekki von á fyrsta sæti“ Einn enn í haldi vegna Elko-málsins Skorið úr um lögmæti verkfalla í fyrramálið Frægð ekki ávísun á frama í pólitík Samþykkja verkfall í Garðaskóla Rafmagnslaust á Húsavík fram á kvöld Össur segir Ingu valdspilltan leiðtoga Ekki heppilegt ef verkalýðshreyfingin tæmist inn á Alþingi Býður sig fram en reiknar ekki með sæti á þingi Frægir flykkjast í framboð Eva Dögg flytur sig um kjördæmi og Paola í þriðja sætið Skilorðsbundið fangelsi fyrir að keyra á barn Skýr krafa meðal lækna að hefja undirbúning verkfallsaðgerða Efnið tralopyril veldur eitrun í kræklingi Nú má heita Aster og Vestur Svandís tekur upp hanskann fyrir kennara Hlær að töfralausnum í dreifingu við of háu kortisóli Ragnar Þór býr sig undir harða baráttu Grímur undir feldi Sjálfstæðisflokkurinn skuldi kjósendum skýringar „Ekki góð þróun“ að flokkarnir drösli frægu fólki á listana Fjarlægja útilistaverkið Tíu sentímetra þarmur stóð út eftir stunguárás Sjá meira
Inga greindi frá því í gær að Jakob Frímann og Tómas yrðu ekki oddvitar á listum flokksins í Norðausturkjördæmi og Reykjavíkurkjördæmi norður. Sigurjón Þórðarson verður oddviti í stað Jakobs Frímanns og Ragnar Þór Ingólfsson í stað Tómasar. „Inga Sæland talar sig móða um skort á lýðræði – nú síðast þegar starfsstjórn var í myndun – en á sama tíma tekur hún sér alræðisvald innan Flokks fólksins, þverbrýtur reglur hans og lög og rekur þingmenn úr framboði af því þeir dansa ekki algerlega eftir hennar höfði,“ segir Össur. Merkja mátti á yfirlýsingu Jakobs Frímanns í gær að hann væri ekki sáttur við að leiða ekki áfram flokkinn í Norðausturkjördæmi. „Aðskilnaðurinn á sér aðdraganda þar sem við sögu kemur m.a. ólík sýn á leikreglur hreinskiptni og trausts,“ sagði Jakob Frímann. Þá hafði Tómas nýlega látið í ljós ráðherradraum sinn. „Opinber brottrekstur Jakobs Frímanns (og Tomma í Búllunni) úr framboði er ekki aðeins ólýðræðislegur gjörningur hjá leiðtoga sem alltaf er með túlann fullan af lýðræðishjali heldur hreinasta valdníðsla af hennar hálfu. Það sést gjörla þegar rennt er yfir einföld og skýr lög Flokks fólksins á heimasíðu hans.“ Hann vísar til laga flokksins þar sem segi svart á hvítu að það sé uppstillingarnefnd, skipuð af kjördæmaráði, sem geri tillögu að framboðslista. „Í kjölfarið fjalla kjördæmisráð og stjórn um tillöguna á formlegum fundum. Formaðurinn hefur ekki einu sinni frumkvæðisrétt að tilnefningum – hvað þá til að gefa út tilskipanir um að tilteknir flokksmenn megi ekki vera í efstu sætum listanna.“ Gjörningurinn feli því ekki aðeins í sér fyrirlitningu á þeim lýðræðislegu vinnubrögðum sem hún krefjist dag hvern úr ræðustól Alþingis, heldur líka óvanalega gróft brot á lögum flokksins. Sigurjón Þórðarson varaþingmaður Flokks fólksins og Ragnar Þór Ingólfsson formaður VR eru nýir oddvitar Flokks fólksins. Sigurjón tekur við af Jakobi Frímanni og Ragnar af Tómasi. Aðrir oddvitar flokksins eru Inga Sæland, formaður flokksins í Reykjavikurkjördæmi suður, Guðmundur Ingi Kristinsson þingmaður flokksins í Suðvesturkjördæmi, Ásthildur Lóa Þórsdóttir þingkona flokksins í Suðurkjördæmi og Eyjólfur Ármannsson þingmaður flokksins í Norðvesturkjördæmi. „Að svona gerist á Íslandi á þriðja áratug 21. aldarinnar er með ólíkindum. Kannski á Ítalíu fyrir hundrað árum – en ekki hér og nú. Fjölmiðlar, sem eru helsta aðhaldstæki gegn valdspilltum leiðtogum, hljóta að skýra hvernig þetta samræmist lögum flokksins og hvort verjanlegt sé að flokkur undir slíkri stjórn fái tugmilljónir frá skattborgurum ár hvert í rekstrarstyrki.“ Hann segir Jakob Frímann ástsælan listamaður sem eigi vild alls staðar enda merkilegt eintak. „Enginn hefur náð meiri árangri fyrir kjarabaráttu listamanna en hann. Á sínum tíma var hann hvalreki fyrir Flokk fólksins og náði óvæntum og næsta ótrúlegum árangri með afar óhefðbundinni kosningabaráttu. Í dag er mesta fylgi Flokks fólksins einmitt í hans kjördæmi. Gæti verið að það sé þyrnir í auga drottningarinnar að hann hefur meira fylgi en hún í sínu kjördæmi?“ spyr Össur.
Flokkur fólksins Alþingiskosningar 2024 Mest lesið Kosningavaktin: Íslendingar ganga að kjörborðinu Innlent Össur segir Ingu valdspilltan leiðtoga Innlent Hlær að töfralausnum í dreifingu við of háu kortisóli Innlent „Ég átti ekki von á fyrsta sæti“ Innlent Tíu sentímetra þarmur stóð út eftir stunguárás Innlent „Ekki góð þróun“ að flokkarnir drösli frægu fólki á listana Innlent Sautján daga fyrirburi tekinn af sjúkrahúsi í París Erlent Fjölmiðlar lengi í vanda með Trump: „Þetta er ekki eðlilegt“ Erlent „Hræsnin á sér engin takmörk“ Innlent Sárnar umræðan síðustu daga Innlent Fleiri fréttir Flokkar sem sitji hjá séu ekki í stöðu til að setja skilyrði Sakar Össur um rógburð og illmælgi Sárnar umræðan síðustu daga Þau leiða Vinstri græn í Norðvesturkjördæmi Sviptingar hjá Pírötum, sárir kennarar og óvenjuleg verðhækkun Læstu sig á kvennasalerni í tvígang og neituðu að fara Neðri óvissumörkum náð í byrjun nóvember „Ég átti ekki von á fyrsta sæti“ Einn enn í haldi vegna Elko-málsins Skorið úr um lögmæti verkfalla í fyrramálið Frægð ekki ávísun á frama í pólitík Samþykkja verkfall í Garðaskóla Rafmagnslaust á Húsavík fram á kvöld Össur segir Ingu valdspilltan leiðtoga Ekki heppilegt ef verkalýðshreyfingin tæmist inn á Alþingi Býður sig fram en reiknar ekki með sæti á þingi Frægir flykkjast í framboð Eva Dögg flytur sig um kjördæmi og Paola í þriðja sætið Skilorðsbundið fangelsi fyrir að keyra á barn Skýr krafa meðal lækna að hefja undirbúning verkfallsaðgerða Efnið tralopyril veldur eitrun í kræklingi Nú má heita Aster og Vestur Svandís tekur upp hanskann fyrir kennara Hlær að töfralausnum í dreifingu við of háu kortisóli Ragnar Þór býr sig undir harða baráttu Grímur undir feldi Sjálfstæðisflokkurinn skuldi kjósendum skýringar „Ekki góð þróun“ að flokkarnir drösli frægu fólki á listana Fjarlægja útilistaverkið Tíu sentímetra þarmur stóð út eftir stunguárás Sjá meira