Þú finnur Ís­lendinga út um allan heim í fluginu

Hann er í hópi viðmælenda í sjötta þætti Flugþjóðarinnar á Stöð 2 sem ber yfirskriftina Fólkið í fluginu. Þar rýnum við í flugáhugann á Íslandi, spyrjum hversvegna Íslendingar urðu flugþjóð og heyrum mergjaðar flugsögur.

Hér má sjö mínútna myndskeið úr þættinum:

„Við höfum náttúrlega verið mjög ævintýragjarnir. Við höfum verið að fljúga fyrir hina og þessa út um allan heim. Og íslenskt starfsfólk er bara duglegt fólk,“ segir Kristinn Halldórsson flugvélaverkfræðingur, sonur Halldórs Sigurjónssonar, fyrsta flugvirkja Loftleiða.

„Það er gríðarleg þekking og sérhæfing á flugi hérna heima. Ég efast um að það séu mörg lönd þar sem þú ert með fleiri flugvélar skráðar. Ef við tölum um þessa frægu höfðatölu þá efast ég um að það séu fleiri flugvélar víða heldur en hér heima.

Og þú finnur Íslendinga eiginlega út um allt. Og orðsporið á þeim, sem líka bara hjálpar okkur, orðsporið er gott. Við erum lausnamiðaðir, við erum harðduglegir, og þetta hefur bara skilað okkur ansi vel áfram í gegnum tíðina,“ segir Baldvin Már.

Þegar við spyrjum hversvegna Íslendingar urðu svona öflug flugþjóð er skýring flestra: Við búum á afskekktri eyju í norðanverðu Atlantshafi fjarri öðrum löndum.

En fleira þurfti til: Útrásarþrá, ævintýragirni, hugrekki, sjálfsbjargarviðleitni og frumkvöðlaeðli eru þættir sem einnig eru nefndir.

Þátturinn verður endursýndur á Stöð 2 næstkomandi sunnudag, 13. október, klukkan 17:00.

Áskrifendur Stöðvar 2 og Stöðvar 2+ geta séð þættina um Flugþjóðina í streymisveitu Stöðvar 2 hvar og hvenær sem er. Hér má sjá kynningarstiklu fyrir þáttaröðina: