Sjóð­heitir og ein­hleypir inn í haustið

Í samstarfi við álitsgjafa hefur Lífið á Vísi því tekið saman lista af einhleypum og sjóðheitum karlmönnum. Áður hefur birst umfjöllun um einhleypar og sjóðheitar skvísur landsins.

Kristall Máni Ingason - 22 ára

Kristall Máni Ingason, leikmaður Sønderjyske og fyrirliðið undir 21-árs landsliði Íslands í fótbolta er ekki bara góður í fótboltaheldur líka fjallmyndarlegur. Hann sló markametið í september og skoraði þrennu gegn Dönum. Gæti ekki verið meiri fengur.

Andri Lucas Guðjohnsen - 22 ára

Sonur Eiðs Smára en svo miklu meira en það. Spilar með Gent í Belgíu og spilaði gegn Chelsea á dögunum svo eftir var tekið. Ekki bara myndarlegur heldur líka fáránlega skemmtilegur og hress. Opinn og jú, fáránlega góður í fótbolta. Alvöru eftirnafn.

Patrekur Jaime - 24 ára

Raunveruleikastjarnan Patrekur Jaime skaust upp á stjörnuhimininn árið 2017 á samfélagsmiðlinum Snapchat og var andlit raunveruleikaþáttanna Æði sem spannaði fimm seríur og sigraði hjörtu margra áhorfenda. Með honum í þáttunum voru Bassi Maraj, Binni Glee og tvíburnarnir Gunnar og Sæmundur.

Friðrik Róbertsson, Flóni - 26 ára

Rapparinn Flóni er nýverið kominn úr sambandi. Flóni skaust upp á stjörnuhimininn fyrir rúmum sjö árum og er einn hæfileikaríkasti rappari landsins. Þrátt fyrir frægðina og að vera þekktur fyrir einlægni sína veitir hann sjaldan viðtöl. 

Ant­on Sveinn McKee - 30 ára

Anton Sveinn er þrítugur, fyrrverandi sundmaður og Ólympíufari og hefur verið kjörinn formaður Freyfaxa, ungliðahreyfingar Miðflokksins í Suðvesturkjördæmi sem stofnuð var 20. september síðastliðinn. Anton Sveinn fór fjórum sinnum á Ólympíuleikana á sundferli sínum en ákvað að segja það gott eftir Ólympíuleikana í París í sumar. Dökkhærður og sjarmerandi!

Adam Ægir Pálsson - 26 ára 

Adam Ægir er 26 ára knattspyrnumaður sem spilar með ítalska liðinu AC Perugia Calcio. Hann er mikið sjarmatröll og óhræddur við hitt kynið. Adam er sonur Páls Pálssonar fasteignasala og var um tíma meðþáttastjórnandi Veislunnar á FM957.

Blær Hinriksson - 23 ára

Leikaranum og handboltaskyttunni hjá Aftureldingu, Blæ Hinrikssyni, er margt til lista lagt hvort sem það er innan vallar, í handboltanum eða á hvíta tjaldinum. Auk þess hefur tekið að sér módelstörf enda einn huggulegasti ungi maður landsins. Hvað getur þessi maður ekki?

Damon Younger - 48 ára

Listamaðurinn Damon Younger, sem heitir sínu rétta nafni Ásgeir Þórðarson, hefur vakið athygli bæði innanlands og utan. Líklega þekktastur fyrir hlutverk sitt sem illmennið í Svartur á leik en það er þó einungis bara til vitnis um leiklistarhæfileika hans en ekki skapgerð.

Vésteinn Örn Pétursson - 26 ára

Fréttamaður á Stöð 2 er léttur, ljúfur og kátur, hvers manns hugljúfi. Nýútskrifaður úr lögfræðinni og svo er ekki hægt að finna fyndnari mann. Það er alltaf stutt í hláturinn, já og einar bestu eftirhermur landsins.

Björn Jörundur - 54 ára

Sjarmatröllið Björn Jörund þarf vart að kynna. Verið einn af dáðustu tónlistarmönnum þjóðarinnar um árabil. Nýbúinn að slá í gegn í aðalhlutverki í bíómyndinni Ljósvíkingar. Opnaði sig upp á gátt fyrir Audda í Tónlistarmönnunum okkar nýverið, maður sem er hokinn af reynslu og opinn um það. 

Guðmundur Emil - 26 ára

Líklega hafa fáir vakið jafn mikla athygli og líkamsræktarfrömuðurinn Gummi Emil. Hann er einhleypur og sagði við Sindra Sindrason þegar hann fékk hann í morgunkaffi í ágúst að ástæðan væri sú að hann væri upptekinn af því ferðalagi að kynnast sjálfum sér. Gummi er opinskár um vankanta sína og sagðist í lok september ekki ætla aftur á sveppatúr í bráð eftir að hafa rankað við sér á bráðadeild Landspítalans.

Þröstur Jón Sigurðsson - 51 árs 

Þröstur í Sporthúsinu er harðduglegur og ákaflega metnaðargjarn. Hann hefur rekið líkamsræktarstöðina Sporthúsið í tæpa tvo áratugi með frábærum árangri. Þröstur er einnig mikill gestgjafi hvort sem það er í fallega einbýlishúsinu hans í Mosfellsbæ eða glæsilega sumarbústað hans í Öndverðarnesi. Þröstur er einnig mikill útivistarmaður og stundar vélsleðasport af miklum krafti og ekki ósennilegt að heppin vinkona fengi ferð upp á einn af okkar glæsilegu jöklum undir leiðsögn Þrastar.

Snorri Björn Sturluson - 44 ára

Snorri Björn er einn af bestu fasteignasölum landsins. Hann á og rekur Valhöll fasteignasölu ásamt því að hafa brennandi áhuga á golfi. Snorri er vinamargur og hvers manns hugljúfi.

Kristmundur Axel - 31 árs

Það birtir alltaf til þegar Kristmundur labbar inn í herbergið. Hann elskar Himininn og sólina og er fljótur að koma til baka ef honum líkar ekki eitthvað. Hann hugsar það vel um sína að hann myndi deyja fyrir hópinn sinn. Adrenalín fíkill með Hverfið á lás. Alltaf verið flughræddur en er að vinna í því!

Birgir Olgeirsson - 40 ára

Birgir starfar sem upplýsingafulltrúi hjá flugfélaginu Play en var um árabil fréttamaður á Stöð 2. Birgir er frá Bolungarvík og er miklu meira en stæðilegur upplýsingafulltrúi. Hann er líka á kafi í tónlistinni og kemur reglulega fram á hinum ýmsu skemmtistöðum miðborgarinnar, einna helst í Húsi Máls og Menningar og á dönsku kránni.