Daníel og Irma taka spennandi stökk: „Maður vill ekki lifa í eftir­sjá eftir ferilinn“

Tregaro er reyndur þjálfari með langan feril sem þjálfari að baki sem hófst þegar að hann var að­eins 23 ára gamall. Svíinn hefur þjálfað í­þrótta­fólk sem hefur unnið til gull­verð­launa á Ólympíu­leikum sem og heims- og Evrópu­meistara­mótum og er þar þekktastur þrí­stökkvarinn Christian Ols­son sem var á sínum tíma einn besti þrí­stökkvari í heimi og vann til gull­verð­launa á Ólympíu­leikunum í Aþenu árið 2004.

Daníel, sem fyrr á árinu bætti þrjá­tíu ára gamalt Ís­lands­met Jóns Arnars Magnús­sonar í lang­stökki utan­húss, hungrar í frekari árangur og er spenntur fyrir því að flytja út til Sví­þjóðar og æfa undir stjórn Tregaro.

„Maður fann fyrir löngun til þess að prófa eitt­hvað nýtt. Ég er búinn að ná frá­bærum árangri hér heima á Ís­landi en svo finnur maður fyrir meira hungri. Langar að ná enn þá lengra og þá fær maður hug­myndina að því að fara út í meira at­vinnu­manna­um­hverfi með mjög svo reyndum þjálfara. Það var í raun bara hungrið í að ná meiri árangri sem leiddi til þess að maður fór að leita út á við.

„Fyrir mann sjálfan. Að geta kynnst því hvernig er að vera at­vinnu­maður í sinni í­þrótt. Verður frá­bært. Ég held að flestir þeir sem vilja ná árangri vilji geta upp­lifað sig sem at­vinnu­mann í sínu sporti. Að vera halda núna út til Sví­þjóðar gefur manni smá meiri til­finningunni fyrir því hvernig það er akkúrat að vera at­vinnu­maður.“

Svipaða sögu er að segja af Irmu sem er ríkjandi Ís­lands­met­hafinn í þrí­stökki kvenna utan­húss en hún mun byrja í fjar­þjálfun hér heima hjá Tregaro á meðan að hún klárar nám.

„Þegar að það er frá mun ég klár­lega láta reyna á það að flytja út og upp­lifa drauminn minn. Þótt maður geti ekki farið strax þá er alltaf hægt að finna lausn á því. Eins og ég er að gera með því að byrja í fjar­þjálfun þó það sé smá erfiðara.

„Það er rosa­lega spennandi að svona reyndur og flottur þjálfari vilji taka við þjálfuninni hjá manni. Ég er alla­vegana mjög spennt fyrir því og lýst mjög vel á þennan mann.“

Það að reyndur þjálfari á borð við Tregaro sé að taka við þjálfun tveggja af okkar bestu stökkvurum veit á gott.

„Ég bara hvet alla sem hafa þann draum. Að verða at­vinnu­menn í sinni í­þrótt. Að gefast ekki upp á þeim draumi,“ segir Daníel. „Láta vaða á þetta. Maður vill ekki lifa í eftir­sjá eftir ferilinn. Hugsa „af hverju reyndi ég ekki að fara út og gerast at­vinnu­maður.“ Aldrei missa vonina á því að verða ekki at­vinnu­maður. Þetta er bara með þeim betri til­finningum sem maður getur upp­lifað sem í­þrótta­maður. Að vita það inni að maður sé at­vinnu­maður í sinni í­þrótt.“