Fyndnustu dýralífsmyndir ársins

Nikon Comedy Wildlife Photography Awards, eins og keppnin heitir þetta árið, eru haldin árlega og er þeim ætlað að ýta undir dýravernd á heimsvísu og er verðlaunakeppnin haldin af sömu aðilum og halda Comedy Pet Photography Awards en henni er ætlað að vekja athygli á heimilislausum gæludýrum í Bretlandi.

Sjá einnig: Áströlsk rokk­stjarna á fyndnustu dýralífsmynd ársins

Enn einu sinni var nýtt met set í fjölda mynda sem bárust í keppnina en þær voru rétt tæplega níu þúsund og frá ljósmyndurum í 98 löndum heims. Myndirnar eru bæði teknar af atvinnuljósmyndurum og áhugamönnum sem ná að fanga kostuleg augnablik í lífi dýra.

Fjörutíu myndir hafa verið valdar til að keppa til úrslita að þessu sinni auk fjögurra myndasamstæðna og þriggja myndbanda.

Þá geta áhugasamir tekið þátt í að velja vinsælustu myndina á vef keppninnar.

Úrslit keppninnar þetta árið verða tilkynnt í desember.

Hér er svo komið að nokkrum myndasamstæðum.

Hér má svo sjá þrjú myndbönd sem keppa til úrslita í keppninni.

Það fyrsta var tekið af Daniel Gordon og sýnir unga górillu sýna mis-góðar listir sínar. Annað myndbandið var tekið af Kevin Lohman og sýnir ref þrífa sig í dögginni af frosnu grasi. Það þriðja var svo tekið af Milko Marchetti og sýnir fugl nota maka sinn sem brimbretti.