Tók Kristal Mána að­eins tvær mínútur að skora

Sönderjyske sá sér leik á borði og hvíldi nokkra lykilmenn framan af leik þar sem Ishöj er ekki hátt skrifað í danska boltanum. Miðvörðurinn Daníel Leó Grétarsson var til að mynda ekki í hóp og Kristall Máni hóf leik á bekknum.

Það kom því heldur betur á óvart þegar heimamenn komust yfir á 36. mínútu en það reyndist eina mark fyrri hálfleiks. Gestirnir jöfnuðu metin í upphafi þess síðari og Kristall Máni kom svo inn af bekknum á 64. mínútu. Aðeins tveimur mínútum hafði hann komið sínum mönnum yfir.

Undir lok leiks bætti Sönderjyske við þriðja markinu og sem betur fer þar sem Ishöj minnkaði muninn í uppbótartíma. Lokatölur 2-3 og Íslendingaliðið komið áfram í næstu umferð.

Þá kom Mikael Anderson inn af bekknum síðustu 20 mínúturnar eða svo þegar AGF vann 2-0 útisigur á nágrannaliði sínu VSK Aarhus.