Sjóð­heitar og ein­hleypar inn í haustið

Guðrún Svava Egilsdóttir

Áhrifavaldurinn Guðrún, sem er betur þekkt sem Gugga í gúmmíbát, er uppalin Hafnarfjarðarmær. Hún starfar sem ritari og aðstoðarkona hjá Kirópraktorstofu Íslands samhliða því að nema viðskiptafræði við Háskólann á Bifröst. Gugga er 21 árs gömul og mikil stemningskona sem er gaman að vera í kringum.

Bríet Ísis Elfar

Tónlistarkonan Bríet er ein skærasta stjarna landsins og hefur vakið mikla athygli í íslensku tónlistarlífi á undanförnum árum. Hún er ekki aðeins stórglæsileg heldur ein hæfileikaríkasta kona landsins! 25 ára og aldrei litið betur út!

Birta Abiba

Birta er 24 ára sjarmerandi ofurskvísa sem er búsett í New York, þar sem hún starfar sem fyrirsæta. Ekki nóg með það að vera ein farsælasta fyrirsæta okkar Íslendinga, átti hún stórleik í tónlistarmynbandi við lagið Krumla með strákabandinu IceGuys. 

Inga Lind Karlsdóttir

Inga Lind er einn af eigendum framleiðslufyrirtækisins Skot productions og hefur farið mikinn í framleiðslu undanfarin ár. Þar áður var starfaði hún í fjölmiðlum. Inga Lind er 48 ára gömul og ein glæsilegasta kona landsins, í toppformi og mikil útivistarkona. 

Ásdís Mercedes Spanó

Ásdís hefur áralanga reynslu í listheiminum og hefur þróað sérkenni sem endurspeglast í verkum hennar. Eftir útskrift frá Listaháskóla Íslands, þar sem hún lagði grunninn að ferlinum, stundaði hún framhaldsnám í Bretlandi og á Ítalíu. Samhliða listsköpuninni rekur hún Multis.is, vettvang sem sameinar skapandi greinar og listmannaþjónustu, og þjónar sem miðpunktur fyrir listamenn að tengjast og þróa verk sín.

Ásdís er 51 árs gömul, stórglæsileg og mikil fyrirmynd fyrir aðrar konur!

Anna Guðný Ingvarsdóttir

Áhrifavaldurinn Anna Guðný starfar sem flugfreyja hjá Icelandair. Hún er sannkölluð ofurskvísa með einstaklega flottan stíl líkt og fylgjendur hennar á Instagram fá að kynnast. Anna Guðný er 25 ára og algjört fiðridi sem elskar ferðalög, tísku og förðun. 

Inga María Hjartardóttir

Hin þrítuga Inga María starfar markaðssérfræðingur hjá Símanum. Hún er ekki bara glæsileg, heldur líka einstaklega klár og skapandi. Inga María var áberandi í kosningateymi Höllu Tómasdóttur forseta Íslands, þar sem hún lagði áherslu á að ná til unga fólksins í landinu. Með nýstárlegum hugmyndum og aðferðum tókst henni að skapa áhuga og þátttöku meðal yngri kjósenda. 

Kristín Ólafsdóttir 

Stína er 31 árs, ljóshærð, hnyttin og sjarmerandi fjölmiðlakona sem laðar að sér athygli með skemmtilegum persónutöfrum og einstöku orðfæri. Hún er þekkt fyrir lipurleika sinn í fjölmiðlastarfi og hæfileikann til að hrífa fólk með sér, bæði á skjánum og utan hans. Stína er ekki bara hæfileikarík heldur líka fyndin og hefur einstakt lag á að setja bros á andlit fólks. 

Tinna Aðal­björns­dótt­ir 

Tinna hefur lengi verið áhrifavaldur í tískuheiminum og hefur með árunum fest sig í sessi sem ein helsta fyrirmynd kvenna þegar kemur að stíl og framkomu. Sem eigandi og Casting Director hjá Ey Agency hefur hún ekki aðeins haft mikil áhrif á þróun módelskrifstofunnar heldur einnig mótað feril margra fyrirsæta. Tinna er þekkt fyrir einstakan smekk og þor til að prófa nýja strauma og stefnur! Tinna er 43 ára.

Kolbrún Pálína Helgadóttir

Kolbrún Pálína er 44 ára, sérfræðingur í miðlun og markaðsmálum hjá Ósum og er þekkt fyrir að heilla fólk upp úr skónum með persónutöfrum sínum. Hún er ekki aðeins falleg og eldkár heldur leggur hún mikla áherslu á heilsusamlegan lífsstíl. Kolbrún stundar reglulega fjallgöngur og jóga, og er mikið náttúrubarn sem elskar ferðalög. 

Helena Hafþórsdóttir O’Connor 

Hin tvítuga Helena hlaut titilinn Miss Supranational 2023 í Ungfrú Ísland og komst í topp 20 í Miss Supranational í Póllandi í sumar. Hún starfaði sem fyrirsæta erlendis í sumar, en hefur nú snúið aftur í skóla til að læra sálfræði.