Breskar konur stíga fram og á­saka Tate um nauðgun

Báðir sæta ákærum í Rúmeníu fyrir mansal. Bræðurnir hafa verið áskakaðir um að hafa rekið skipulega starfsemi þar sem konur voru misnotaðar. Tate hefur einnig verið ákærður fyrir nauðgun.

Bræðurnir neita sök.

Konurnar sem BBC ræddi við eru allar breskar og mál þeirra tengjast ekki þeim málunum í Rúmeníu.

Ein kvennanna, sem kallar sig Önnu, segist hafa farið nokkrum sinnum á stefnumót með Andrew í Luton árið 2013. Eftir eitt þeirra hafi hann allt í einu litið upp og sagt: „Ég er að velta því fyrir mér hvort ég eigi að nauðga þér eða ekki.“ 

Því næst hafi hann gripið um háls hennar og þvingað hana niður í rúmið. Hann hafi síðan nauðgað henni og í kjölfarið sent henni texta- og talskilaboð um nauðganir og kynferðisofbeldi.

„Er ég vond manneskja? Því meira sem þú vildir þetta ekki, því meira naut ég þess,“ sagði hann í einum skilaboðunum. Í öðrum sagðist hann hafa „elskað“ að nauðga konunni.

Anna tilkynnti málið til lögreglu og tvær konur til viðbótar stigu fram með svipaðar ásakanir. Lögregla tók málin til rannsóknar en málin voru felld niður árið 2019 vegna ónægra sönnunargagna.

Hin konan sem BBC ræddi við, Sienna, hefur svipaða sögu að segja. Andrew hafi hert að hálsinum á henni þar til hún missti meðvitund og þegar hún rankaði við sér hafi hann verið að nauðga henni.

Sienna leitaði ekki til lögreglu og segist sjá eftir því.

Tate nýtur mikilla vinsælda meðal ungra karlmanna á YouTube og TikTok, þar sem hann hefur meðal annars boðað að konur eigi að vera körlum undirgefnar.

Hér má finna umfjöllun BBC.