Innlent

Fót­brotnaði í nótt á leið að gos­stöðvum

Ólafur Björn Sverrisson skrifar
Lögregla sinnti útkallinu í nótt.
Lögregla sinnti útkallinu í nótt. vísir/vilhelm

Lögeglan á Suðurnesjum sinnti í nótt útkalli vegna manns sem hafði lagt af stað að upptökum eldgossins frá Reykjanesbraut og fótbrotnaði í gjótu.

Úlfar Lúðvíksson lögreglustjóri á Suðurnesjum segir manninn hafa verið á vappi út frá Reykjanesbrautinni. Útkall hafi borist lögreglu þegar klukkan var gengin um tuttugu mínútur í eitt í nótt.

„Fólk sér þetta nú frá veginum,“ segir Úlfar.  

Úlfar Lúðvíksson, lögreglustjóri á Suðurnesjum.Vísir/vilhelm

Ekki hafi verið um stóra sprungu að ræða, en maðurinn líklega fótbrotinn eftir ósköpin. 

Úlfar segir gossvæðið ekki aðgengilegt og að fólk skuli ekki hætta sér að svæðinu. 

„Það eru alltaf einhverjir sem vilja nálgast þessa staði en þetta hefur ekki verið stórt vandamál hingað til hjá okkur.“

Eldgos á Reykjanesskaga Eldgos og jarðhræringar Lögreglumál

Mest lesið


Fleiri fréttir

Sjá meira


×

Mest lesið