Innlent

Þyrlan sótti veikan far­þega skemmti­ferða­skips

Kjartan Kjartansson skrifar
Skemmtiferðaskipið MS Marina fyrir utan Grundarfjörð í morgun.
Skemmtiferðaskipið MS Marina fyrir utan Grundarfjörð í morgun. Vísir/Samúel Karl

Veikur farþegi skemmtiferðaskips var sóttu með þyrlu Landhelgisgæslunnar á Grundarfjörð nú fyrir hádegið. Óskað var eftir aðstoð þyrlunnar til þess að koma farþeganum undir læknishendur í Reykjavík.

Farþeginn var fluttur með léttbát til hafnar í Grundarfirði þar sem þyrlan lenti samkvæmt upplýsingum Ásgeirs Erlendssonar, upplýsingafulltrúa Landhelgisgæslunnar. Þyrlan var á leið til Reykjavíkur nú um klukkan hálf tólf.

Skemmtiferðaskipið MS Marina liggur nú fyrir utan Grundarfjörð. Skipið er skráð á Marshall-eyjum og getur borið um 1.250 farþega auk hátt í átta hundruð manna áhafnar. Það kom til landsins frá Grænlandi þaðan sem það lét úr höfn á fimmtudag samkvæmt vefsíðunni Marine Traffic.

Landhelgisgæslan Grundarfjörður Ferðamennska á Íslandi Skemmtiferðaskip á Íslandi

Mest lesið


Fleiri fréttir

Sjá meira


×

Mest lesið