Djúp lægð fer yfir landið

Þá má einnig búast við talsverðri eða mikilli rigningu á Austfjörðum, vestanlands byrjar hins vegar ekki að rigna fyrr en í kvöld. Þetta kemur fram í hugleiðingum veðurfræðings.

Á morgun hreyfist lægðin norður yfir land og í kjölfarið snýst í vestlæga átt, yfirleitt á bilinu 5 til 13 metrar á sekúndu. Því fylgir dálítil væta víða um land, þó síst norðaustantil. Hiti verður líklega á bilinu 8 til 16 stig, hlýjast norðaustanlands.

Greiðfært er annars um landið allt en gott að fylgjast með uppfærslum á vef Vegagerðarinnar og veðri á vef Veðurstofunnar. 

Veðurhorfur á landinu næstu daga

Á þriðjudag:

Breytileg átt 5-13 m/s, skýjað og dálítil væta með köflum. Hiti 8 til 17 stig, hlýjast norðaustanlands.

Á miðvikudag:

Suðaustan og austan 5-13 og rigning, en úrkomulítið á Norðurlandi. Hiti breytist lítið.

Á fimmtudag:

Breytileg átt og rigning með köflum vestantil, en skúrir um landið austanvert. Hiti 8 til 15 stig.

Á föstudag og laugardag:

Norðlæg átt og súld eða rigning norðanlands, en úrkomulítið syðra. Hiti 7 til 15 stig, mildast syðst.

Á sunnudag:

Norðanátt og dálítil væta, en þurrt á Suður- og Vesturlandi.