Hross Müllers vann Ólympíugull og truflaði út­sendingu

Müller á hlut í hestinum Checker, 14 vetra gráum fola, sem sýndi góða takta í hestaíþróttakeppni Ólympíuleikanna í Versölum í vikunni. Checker og knapinn Christian Kukuk hlutu gull fyrir frammistöðu sína.

„Það er gullið. Við erum Ólympíumeistarar,“ skrifaði Müller á Instagram síðu sína í gær.

Müller hefur áður sagst hafa „fengið hestaæðið“ frá eiginkonu sinni, Lisu, sem keppir í hestaíþróttum.

Þeir Müller og Checker vöktu þó hvað mesta athygli á meðan leik Þýskalands og Bandaríkjanna stóð í fótboltakeppni kvenna á Ólympíuleikunum í vikunni.

Þýski ríkismiðillinn ARD sýndi þá fyrir mistök kómíska klippu af Müller og hestinum á meðan leiknum stóð. Klippuna má sjá að neðan.