Fótbolti

Davíð Snær skoraði fyrsta sigri liðsins í meira en tvo mánuði

Óskar Ófeigur Jónsson skrifar
Davíð Snær Jóhannsson gekk til liðs við Aalesund fyrir þetta tímabil.
Davíð Snær Jóhannsson gekk til liðs við Aalesund fyrir þetta tímabil. Aalesund

Keflvíkingurinn Davíð Snær Jóhannsson skoraði sitt fyrsta mark á tímabilinu í dag í langþráðum sigri Aalesund í norsku b-deildinni.

Aalesund vann 2-0 útisigur á Raufoss þar sem bæði mörkin komu í fyrri hálfleiknum.

Davíð Snær kom liðinu í 1-0 á 12. mínútu leiksins og þrettán mínútum síðar bætti liðsfélagi hans Hakon Hammer við marki.

Aalesund hafði ekki unnið deildarleik síðan 27. maí síðastliðinn og hafði aðeins náð í eitt stig í síðustu fimm leikjum.

Með sigrinum komust Davíð Snær og félagar upp úr neðsta sæti deildarinnar en þeir sitja enn í fallsæti með aðeins þrjá sigra í sextán leikjum á leiktíðinni.

Norski boltinn

Mest lesið


Fleiri fréttir

Sjá meira


×

Mest lesið