Weinstein lagður inn á sjúkra­hús með Covid-19 og lungna­bólgu

Weinstein, sem afplánar nú 23 ára fangelsisdóm, þrjáist fyrir af sykursýki, háþrýstingi, hryggþrengslum og vökva í kringum hjarta og lungu. Hann hefur margsinnis verið lagður inn á Bellevue, sem er með deild fyrir fanga.

Kvikmyndaframleiðandinn fyrrverandi var fundinn sekur um nauðgun í bæði New York og Kaliforníu en áfrýjunardómstóll ógilti niðurstöðu dómstólsins í New York sökum þess að dómarinn heimilaði vitnisburð kvenna um brot sem málið náði ekki til.

Rétta þarf í málinu upp á nýtt og orðið gæti af því strax í september.

Saksóknarar í málinu segja að fleiri brot verði undir eftir að fleiri konur samþykktu að stíga fram.

Rétt er að geta þess að Weinstein hlaut 23 ára dóm í New York og 16 ára dóm í Kaliforníu.