Íris segir RÚV henda blautri og kaldri tusku í andlit sjómanna Jakob Bjarnar skrifar 3. júlí 2024 09:43 Íris telur það sérdeilis fáránlegt að sjómönnum sé gert skylt að borga nefskattinn en fá ekki að njóta útsendinganna. vísir/Jóhann Íris Róbertsdóttir, bæjarstjóri í Vestmannaeyjum, segir sérdeilis ólíðandi að sjómenn þurfi að greiða afnotagjöld af RÚV ohf., en séu hins vegar sviptir möguleikum á að ná sjónvarps og útvarpssendingum. Það hvein í tálknum bæjarstjórans en hún var gestur í Bítinu nú í morgun. Þar kom til tals sú ákvörðun RÚV að hætta útsendingum í gegnum gervihnött enda hefur ríkið nú ljósleiðaratengt megnið af heimilum landsins. Að hengja bakara fyrir smið Áslaug Arna Sigurbjörnsdóttir háskóla-, iðnaðar- og nýsköpunarráðherra segir ríkið munu koma að því að ljósleiðaratengja rúmlega 102 litla þéttbýliskjarna um land allt. Með þessu muni hvert einasta lögheimili á Íslandi vera tengt ljósleiðara og því njóta öflugrar nettengingar. Valmundur Valmundsson, formaður Sjómannasambands Íslands nefnir þetta í Facebook-færslu í gær, þar sem hann segir Áslaugu Örnu hafa kynnt þetta en gleymi hins vegar öllum skipum á Íslandi. „Í gær hætti RUV, sjónvarp og útvarp allra landsmanna, að senda efni sitt gegnum gervihnött. Eina efnið sem sjómenn ná ef þeir eru utan við 12 mílur er langbylgju sending á 189khz á Rás 1á stöku stað,“ segir Valur. Að sögn RÚV kostar um 40 milljónir að halda úti sendingum til sjómanna í gegnum hnött. „Sjómenn greiða nefskattinn sem rennur til RUV eins og aðrir landsmenn. Lágmark að sjómenn njóti RUV eins og aðrir. Áslaug Arna nú er tækifærið að rétta sjómönnum hjálparhönd og tryggja sendingar RUV gegnum gervihnött út árið meðan unnið er að öðrum lausnum. 20 milljónir eru smáaurar til að tryggja mannréttindi 3500 sjómanna. Koma svo Áslaug!“ segir Valur. Áslaug Arna var taldi að hér væri verið að hengja bakara fyrir smið og vakti athygli á því, á Facebooksíðu Valmundar; að hér væri um að ræða tvö ólík mál. „Annars vegar ljósleiðara og netsamband á landi, mikið framfaramál og hins vegar gervihnatta samband til að tryggja alþjónustu Ríkisútvarpsins sem ég skil að er mikilvæg. Það er aftur á móti á borði menningarráðherra sem ræddi þetta á dögunum í ríkisstjórn og er að skoða lausnir á.“ Hljóðið í sjómönnum slæmt Íris var ekki síður ósátt fyrir hönd sinna sjómanna. „Þetta var keyrt í gegn um mánaðarmótin. Gríðarleg afturför að það þurfi að vera öflugur búnaður um borð í skipunum ef þeir eiga að geta horft á útsendingar frá RÚV. Þeir hættu þessum gervihnattaútsendingum og skýringarnar sem berast úr Efstaleiti eru að þetta sé ekki lögbundin þjónusta þeirra að senda út línulega dagskrá um gervihnött!“ sagði Íris hlessa. Og nefndi að það væri heldur ekki lögbundið að senda út Eurovision. Valmundur, formaður Sjómannasambands Íslands, hefur mótmælt harðlega þessum aðgerðum að RÚV hætti útsendingum í gegnum gervihnött.vísir/vilhelm Hún sagði hljóðið í sjómönnum mjög slæmt. „Þetta er kórónað með því að það sé Evrópukeppni í gangi. Þeir búa náttúrlega úti á sjó, sjómennirnir. Þá er það orðið mjög flókið. Þá er reynt að finna einhverjar erlendar stöðvar, kannski í Ungverjalandi, til að fylgjast með.“ Köld tuska framan í sjómenn Heimir Karlsson í Bítinu var henni hjartanlega sammála. Þetta væri eiginlega glatað, sjómenn séu auðvitað hringinn um landið og geta þá ekki horft á sjónvarpið nema þá með einhverjum sérstökum búnaði? „Já, það þarf að vera mjög öflugur búnaður um borð. Það er ekkert alls staðar. Mikið af tækjum og tólum sem þarf að nota þetta. Ef þeir ná ekki 3G og 4G, 5G er lítið að flækjast hér um landið, þá ná þeir ekki sjónvarpi.“ Íris sagði stöðuna þá að í dag væru skipin búin þannig að það er sjónvarp og útvarp hjá hverjum og einum sjómanni. En þetta sé ekkert hægt að nýta í dag. „Þetta er köld tuska og að stofnun sem hefur þetta hlutverk, og þessa sérstöðu á markaði, eins og þið hafið oft fjallað um, tekur til sín gríðarlega fjármuni sem við erum öll neydd til að borga, og eru ákveðin rök fyrir því þó við getum verið ósammála um sumt af því, en eitt er víst að það er lögbundið hlutverk. Að koma dagskrá til allra landsmanna. Togari á leið á miðin. Hann siglir þar með á vit þess svæðis þar sem er "no signal".vísir/vilhelm Sjómenn hljóta að vera hluti af því. Nema þeir sleppi þá við þennan nefskatt? En núna birtist á skjánum hjá þeim ekkert signal en gjörið svo vel að borga skattinn. Þetta er auðvitað eitthvað sem Útvarpsstjóri á að kippa í liðinn.“ Sjómennirnir okkar eiga annað betra skilið en slíkar trakteringar Írist sagðist ekki hafa trú á að þetta hafi verið á borði ríkisstjórnarinnar. Og Heimir bætti við að það væri nú með þessi opinberu hlutafélög ríkisins að þau væru eins og ríki í ríkinu. Ráðherrar bera nánast varla ábyrgð á þeim. Þá verða svona ákvarðanir? „Hvert er markmiðið? Að veita lakari þjónustu? Allir eldri en átján ára þurfa að borga og það hækkar og hækkar í pottinum.“ Íris sagði að sjómenn hafi sent fyrirspurn til Útvarpsstjóra en viðbrögðin þar voru að hennar sögn sérstök, að þetta væri ekki lögbundin skylda RÚV. Sjómenn væru þá væntanlega bara með Rás 1. „Af hverju fær RÚV alla þessa fjármuni?“ spyr Íris og svarar sér sjálf: „Það er til að geta veitt öllum landsmönnum þessa þjónustu. Nú er stór hluti uppsjávarflotans á leið í Smuguna að veiða makríl og draga björg í bú. Kannski er þetta allt byggt á misskilningi. En þetta er ekki boðlegt og þessu á að kippa í liðinn. Þeir eiga meira frá okkur skilið frá okkur sjómennirnir okkar en að taka frá þeim sjónvarps og útvarpsútsendingar.“ Fjölmiðlar Ríkisútvarpið Ríkisstjórn Bjarna Benediktssonar Vestmannaeyjar Bíó og sjónvarp Mest lesið Tveir reyndust í skotti bíls Innlent Fannst hann þvingaður til að afsala sér hundinum Innlent Harður þriggja bíla árekstur á Suðurlandsvegi Innlent Málningu kastað og ryskingar við sendiráðið Innlent Mótmælendur hindruðu för lögreglubíls í forgangsakstri Innlent „Þegar hægrið fær að ráða ferðinni óheft og án alls taumhalds fer illa“ Innlent Erfitt að setja tölu á hve margir vilji stjórnarslit Innlent Svandís og Guðmundur Ingi nýir leiðtogar Vinstri grænna Innlent Mannekla bindur hendur héraðssaksóknara í samráðsmáli Innlent Ríkisstjórnarflokkarnir mælast með tuttugu prósenta fylgi Innlent Fleiri fréttir Bátarnir frá eldgosinu í Vestmannaeyjum málaðir á vita Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Erfitt að setja tölu á hve margir vilji stjórnarslit Harður þriggja bíla árekstur á Suðurlandsvegi Landsfundur ræðir stjórnarslit og nýjum reglum um blóðgjöf fagnað Tveir stórir skjálftar í Bárðarbunguöskjunni Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Bein útsending: Ávarp fráfarandi formanns Vinstri grænna Nágrannaerjur í Kópavogi: Ekki sýnt fram á að ákveðin tré valdi verulegum óþægindum Sjá meira
Það hvein í tálknum bæjarstjórans en hún var gestur í Bítinu nú í morgun. Þar kom til tals sú ákvörðun RÚV að hætta útsendingum í gegnum gervihnött enda hefur ríkið nú ljósleiðaratengt megnið af heimilum landsins. Að hengja bakara fyrir smið Áslaug Arna Sigurbjörnsdóttir háskóla-, iðnaðar- og nýsköpunarráðherra segir ríkið munu koma að því að ljósleiðaratengja rúmlega 102 litla þéttbýliskjarna um land allt. Með þessu muni hvert einasta lögheimili á Íslandi vera tengt ljósleiðara og því njóta öflugrar nettengingar. Valmundur Valmundsson, formaður Sjómannasambands Íslands nefnir þetta í Facebook-færslu í gær, þar sem hann segir Áslaugu Örnu hafa kynnt þetta en gleymi hins vegar öllum skipum á Íslandi. „Í gær hætti RUV, sjónvarp og útvarp allra landsmanna, að senda efni sitt gegnum gervihnött. Eina efnið sem sjómenn ná ef þeir eru utan við 12 mílur er langbylgju sending á 189khz á Rás 1á stöku stað,“ segir Valur. Að sögn RÚV kostar um 40 milljónir að halda úti sendingum til sjómanna í gegnum hnött. „Sjómenn greiða nefskattinn sem rennur til RUV eins og aðrir landsmenn. Lágmark að sjómenn njóti RUV eins og aðrir. Áslaug Arna nú er tækifærið að rétta sjómönnum hjálparhönd og tryggja sendingar RUV gegnum gervihnött út árið meðan unnið er að öðrum lausnum. 20 milljónir eru smáaurar til að tryggja mannréttindi 3500 sjómanna. Koma svo Áslaug!“ segir Valur. Áslaug Arna var taldi að hér væri verið að hengja bakara fyrir smið og vakti athygli á því, á Facebooksíðu Valmundar; að hér væri um að ræða tvö ólík mál. „Annars vegar ljósleiðara og netsamband á landi, mikið framfaramál og hins vegar gervihnatta samband til að tryggja alþjónustu Ríkisútvarpsins sem ég skil að er mikilvæg. Það er aftur á móti á borði menningarráðherra sem ræddi þetta á dögunum í ríkisstjórn og er að skoða lausnir á.“ Hljóðið í sjómönnum slæmt Íris var ekki síður ósátt fyrir hönd sinna sjómanna. „Þetta var keyrt í gegn um mánaðarmótin. Gríðarleg afturför að það þurfi að vera öflugur búnaður um borð í skipunum ef þeir eiga að geta horft á útsendingar frá RÚV. Þeir hættu þessum gervihnattaútsendingum og skýringarnar sem berast úr Efstaleiti eru að þetta sé ekki lögbundin þjónusta þeirra að senda út línulega dagskrá um gervihnött!“ sagði Íris hlessa. Og nefndi að það væri heldur ekki lögbundið að senda út Eurovision. Valmundur, formaður Sjómannasambands Íslands, hefur mótmælt harðlega þessum aðgerðum að RÚV hætti útsendingum í gegnum gervihnött.vísir/vilhelm Hún sagði hljóðið í sjómönnum mjög slæmt. „Þetta er kórónað með því að það sé Evrópukeppni í gangi. Þeir búa náttúrlega úti á sjó, sjómennirnir. Þá er það orðið mjög flókið. Þá er reynt að finna einhverjar erlendar stöðvar, kannski í Ungverjalandi, til að fylgjast með.“ Köld tuska framan í sjómenn Heimir Karlsson í Bítinu var henni hjartanlega sammála. Þetta væri eiginlega glatað, sjómenn séu auðvitað hringinn um landið og geta þá ekki horft á sjónvarpið nema þá með einhverjum sérstökum búnaði? „Já, það þarf að vera mjög öflugur búnaður um borð. Það er ekkert alls staðar. Mikið af tækjum og tólum sem þarf að nota þetta. Ef þeir ná ekki 3G og 4G, 5G er lítið að flækjast hér um landið, þá ná þeir ekki sjónvarpi.“ Íris sagði stöðuna þá að í dag væru skipin búin þannig að það er sjónvarp og útvarp hjá hverjum og einum sjómanni. En þetta sé ekkert hægt að nýta í dag. „Þetta er köld tuska og að stofnun sem hefur þetta hlutverk, og þessa sérstöðu á markaði, eins og þið hafið oft fjallað um, tekur til sín gríðarlega fjármuni sem við erum öll neydd til að borga, og eru ákveðin rök fyrir því þó við getum verið ósammála um sumt af því, en eitt er víst að það er lögbundið hlutverk. Að koma dagskrá til allra landsmanna. Togari á leið á miðin. Hann siglir þar með á vit þess svæðis þar sem er "no signal".vísir/vilhelm Sjómenn hljóta að vera hluti af því. Nema þeir sleppi þá við þennan nefskatt? En núna birtist á skjánum hjá þeim ekkert signal en gjörið svo vel að borga skattinn. Þetta er auðvitað eitthvað sem Útvarpsstjóri á að kippa í liðinn.“ Sjómennirnir okkar eiga annað betra skilið en slíkar trakteringar Írist sagðist ekki hafa trú á að þetta hafi verið á borði ríkisstjórnarinnar. Og Heimir bætti við að það væri nú með þessi opinberu hlutafélög ríkisins að þau væru eins og ríki í ríkinu. Ráðherrar bera nánast varla ábyrgð á þeim. Þá verða svona ákvarðanir? „Hvert er markmiðið? Að veita lakari þjónustu? Allir eldri en átján ára þurfa að borga og það hækkar og hækkar í pottinum.“ Íris sagði að sjómenn hafi sent fyrirspurn til Útvarpsstjóra en viðbrögðin þar voru að hennar sögn sérstök, að þetta væri ekki lögbundin skylda RÚV. Sjómenn væru þá væntanlega bara með Rás 1. „Af hverju fær RÚV alla þessa fjármuni?“ spyr Íris og svarar sér sjálf: „Það er til að geta veitt öllum landsmönnum þessa þjónustu. Nú er stór hluti uppsjávarflotans á leið í Smuguna að veiða makríl og draga björg í bú. Kannski er þetta allt byggt á misskilningi. En þetta er ekki boðlegt og þessu á að kippa í liðinn. Þeir eiga meira frá okkur skilið frá okkur sjómennirnir okkar en að taka frá þeim sjónvarps og útvarpsútsendingar.“
Fjölmiðlar Ríkisútvarpið Ríkisstjórn Bjarna Benediktssonar Vestmannaeyjar Bíó og sjónvarp Mest lesið Tveir reyndust í skotti bíls Innlent Fannst hann þvingaður til að afsala sér hundinum Innlent Harður þriggja bíla árekstur á Suðurlandsvegi Innlent Málningu kastað og ryskingar við sendiráðið Innlent Mótmælendur hindruðu för lögreglubíls í forgangsakstri Innlent „Þegar hægrið fær að ráða ferðinni óheft og án alls taumhalds fer illa“ Innlent Erfitt að setja tölu á hve margir vilji stjórnarslit Innlent Svandís og Guðmundur Ingi nýir leiðtogar Vinstri grænna Innlent Mannekla bindur hendur héraðssaksóknara í samráðsmáli Innlent Ríkisstjórnarflokkarnir mælast með tuttugu prósenta fylgi Innlent Fleiri fréttir Bátarnir frá eldgosinu í Vestmannaeyjum málaðir á vita Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Erfitt að setja tölu á hve margir vilji stjórnarslit Harður þriggja bíla árekstur á Suðurlandsvegi Landsfundur ræðir stjórnarslit og nýjum reglum um blóðgjöf fagnað Tveir stórir skjálftar í Bárðarbunguöskjunni Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Bein útsending: Ávarp fráfarandi formanns Vinstri grænna Nágrannaerjur í Kópavogi: Ekki sýnt fram á að ákveðin tré valdi verulegum óþægindum Sjá meira