Sport

Ísold stór­bætti per­sónu­legt met og varð Norður­landa­meistari

Ágúst Orri Arnarson skrifar
Ísold Sævarsdóttir er fjölhæf íþróttakona, hún leikur með Stjörnunni í Subway deildinni og varð svo í dag Norðurlandameistari í sjöþraut. 
Ísold Sævarsdóttir er fjölhæf íþróttakona, hún leikur með Stjörnunni í Subway deildinni og varð svo í dag Norðurlandameistari í sjöþraut.  Vísir/Vilhelm

Ísold Sævarsdóttir varð í dag Norðurlandameistari stúlkna undir 18 ára í sjöþraut.

Norðurlandameistaramótið í fjölþrautum fór fram á ÍR-vellinum í Skógarseli um helgina.

Þar stórbætti Ísold sinn besta árangur í sjöþraut. Fyrra stigamet hennar frá árinu 2022 var 4.357 stig. Ísold náði stórgóðum árangri í öllum greinum og endaði með 5.583 stig í dag. Bæting um heil 1.226 stig.

  • 100m grind | 14,00 sek. (+2,9) | 978 stig
  • Hástökk | 1,66m sb. | 806 stig
  • Kúla | 12,30m sb. | 681 stig
  • 200m | 25,38 sek. (+2,3) | 852 stig
  • Langstökk | 5,77m (+2,3) | 780 stig
  • Spjót | 39,22m pb. | 652 stig
  • 800m | 2:19,24 | 834 stig

Ísold er gríðarefnileg frjálsíþróttakona og sömuleiðis góðkunnug áhorfendum Subway deildarinnar en hún spilaði lykilhlutverk í liði Stjörnunnar sem fór alla leið í oddaleik undanúrslita á nýafstöðnu tímabili.

Subway-deild kvenna Stjarnan Frjálsar íþróttir ÍR

Tengdar fréttir

„Það eru allir að spyrja“

Ísold Sævarsdóttir er aðeins sextán ára. Hún fór á kostum með Stjörnunni í Subway-deild kvenna í fyrrakvöld en hún er einnig ein besta frjálsíþróttakona landsins.

Mest lesið


Fleiri fréttir

Sjá meira


×

Mest lesið