Innlent

Þrettán ung­liða­hreyfingar for­dæma breytingar á út­lendinga­lögum

Lovísa Arnardóttir skrifar
Guðrún Hafsteinsdóttir dómsmálaráðherra lagði frumvarpið fram fyrr á þessu þingi. 
Guðrún Hafsteinsdóttir dómsmálaráðherra lagði frumvarpið fram fyrr á þessu þingi.  Vísir/Vilhelm

Þrettán íslenskar ungliðahreyfingar krefjast þess að ný útlendingalög verði samin í samráði við sérfræðinga í málaflokknum, mannréttindasamtök og hagsmunaaðila. Þau fordæma breytingarnar sem á að gera á útlendingalögunum og krefjast þess að allar lagabreytingar séu gerðar með mannréttindi að leiðarljósi.

Í yfirlýsingu frá samtökunum þrettán er farið yfir breytingar frumvarpsins og athugasemdum samtakanna gerð ítarleg skil. Samtökin sem skrifa undir eru Ungheill, ungmennaráð Barnaheilla, Q-félag hinsegin stúdenta, Röskva- samtök félagshyggjufólks við Háskóla Íslands, Ungliðahreyfing Íslandsdeildar Amnesty International, Háskólahreyfing Amnesty, Femínistafélag Háskóla Íslands. Antirasistarnir, Ungir umhverfissinnar, Ungmennaráð UNICEF, Ungmennaráð UN women, Ungt jafnaðarfólk, Ungir píratar og Ungir sósíalistar.

„Lög um alþjóðlega vernd verða að vera gerð með mannréttindi að leiðarljósi,“ segir í sameiginlegri yfirlýsingu samtakanna. Þar kemur fram að sem ungmenni hafi þau „verulegar áhyggjur af áframhaldandi neikvæðri þróun núverandi ríkisstjórnar í málefnum útlendinga“.

Frumvarp dómsmálaráðherra um breytingar á útlendingalögunum fer í þriðju og síðustu umræðu á Alþingi á næstu dögum. Eftir það verður það að öllum líkindum samþykkt. Í frumvarpinu er verið að gera breytingar á skilyrðum um fjölskyldusameiningar og fyrirkomulagi í kærunefnd útlendingamála sem dæmi.

„Vert er að hafa í huga að einstaklingar flýja ekki aðeins land sitt vegna stríðsátaka, heldur einnig vegna loftslagsáhrifa, ofsókna vegna trúarbragða, kynhneigðar og kyns svo eitthvað sé nefnt. Á heimsvísu neyðast stúlkur og konur til að flýja heimaland sitt vegna ótta við limlestingar, þvinguð hjónabönd og kynbundið ofbeldi. Lög um alþjóðlega vernd þurfa að taka tillit til mismunandi aðstæður einstaklinga. Hröðun málsmeðferðartíma og lækkun kostnaðar má ekkHags­munir barna ekki „tromp spil“ og niður­staða um­boðs­manns ótæki koma niður á grundvallarréttindum einstaklinga,“ segir í yfirlýsingu samtakanna og að félögin krefjist þess að ný útlendingalög verði samin í samráði við sérfræðinga í málaflokknum, mannréttindasamtök og hagsmunaaðila.

„Lög um alþjóðlega vernd verða að vera gerð með mannréttindi að leiðarljósi.“

Hælisleitendur Flóttafólk á Íslandi Flóttamenn Ríkisstjórn Bjarna Benediktssonar Félagasamtök Réttindi barna

Tengdar fréttir

Mikilvæg mál föst vegna „störukeppni“ ríkisstjórnarinnar

Sigmar Guðmundsson þingmaður Viðreisnar segir mikilvæg mál fyrir þjóðarheill föst í þinginu vegna þess að ríkisstjórnarflokkarnir ná ekki samkomulagi sín á milli. Hann segir að það megi láta þingviljann ráða ef meirihluti er fyrir slíkum málum til að „störukeppninni“ eins og hann kallar hana geti lokið.

VG geti ekki gefið meiri afslátt

VG-liðar hafa gengið of langt í málamiðlunum í ríkisstjórnarsamstarfinu að mati þingmanns flokksins og hreyfingin getur ekki gefið meiri afslátt. Hún setur fyrirvara við frumvarp um afbrotavarnir sem enn á eftir að afgreiða úr nefnd.

Ríkisstjórnarsamstarfi lokið nái frumvarpið ekki í gegn

Fundi í Allsherjar-og menntamálanefnd var frestað skyndilega í morgun þar sem útlendingafrumvarpið átti að vera fyrst á dagskrá. Þingmaður Miðflokksins í nefndinni telur þetta merki um ágreining milli stjórnarflokkanna. Ríkisstjórnarsamstarfinu sé lokið verði frumvarpið ekki afgreitt úr nefndinni í vikunni.

Mest lesið


Fleiri fréttir

Sjá meira


×

Mest lesið