Í hlaðvarpsþættinum Tölum um, sem er umsjón kírópraktorsins Guðmundar Birkis Pálmasonar, ræðir Tobba við Gumma kíró, eins og hann er kallaður, um mataræði, heildræna heilsu fólks og hormónakerfi karlmanna, svo fátt eitt sé nefnt.
Tobba segir frá því þegar hún var harðlega gagnrýnd af fræðafólki um bók hennar sem fjallaði um neikvæð áhrif sykurs á líkmann:
„Ég er ekki að reyna að setja einhvern geislabaug á mig en þeir áttu ekkert roð í mig af því að ég var með allar rannsóknir. Ég er menntuð í functional meidicin sem er mjög virt stofnun í Bandaríkjunum,“ segir Tobba sem þurfti að verja málstað sinn á sínum tíma.
Í þættinum fara þau um víðan völl og ræða meðal annars um hormónaheilsu karlmanna. Tobba segir umræðan sé skammt á veg komin en miði áfram.
„Það sem karlmenn eiga við að glíma er að það getur komið upp ójafnvægi í estrógeni þeirra sem getur bústast upp. Mataræðið stjórnar því líka og of mikil bjórdrykkja gerir það líka. Við getum séð það á þeim karlmönnum sem drekka of mikinn bjór að þeir fá brjóst, það eru þessi estrógen áhrif,“ segir Tobba.
Þáttinn má heyra í heild sinni í spilaranum hér að neðan.
